രാഹുൽ ഗാന്ധിയെ അയോഗ്യനാക്കിയ നടപടി; രാജ്യവ്യാപക പ്രതിഷേധവുമായി കോൺഗ്രസ്

ഇന്നലെ രാത്രി മലപ്പുറത്ത് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ നൈറ്റ് മാർച്ച് നടന്നിരുന്നു. രാജ്യം നിലനിർത്തുന്നതിനു വേണ്ടിയുള്ള പോരാട്ടമാണ് രാഹുൽ ഗാന്ധി നടത്തുന്നതെന്നും രാജ്യത്തെ വിഭജിക്കാൻ ശ്രമിക്കുന്ന ബിജെപിക്കെതിരായ സന്ദേശവുമാണ് ഭാരത് ജോഡോ യാത്രയുടേതെന്നും നൈറ്റ് മാർച്ച് ഉദ്ഘാടനം ചെയ്തു കൊണ്ട് എ.പി അനിൽകുമാർ എം.എൽ.എ പറഞ്ഞു.

കോൺഗ്രസ്സ് അധികാരത്തിലെത്തുന്നതല്ല മറിച്ച് കോൺഗ്രസ്സ് ഈ രാജ്യത്തിന് നൽകിയ മതേതരത്വവും ജനാധിപത്യവും കാത്തു സൂക്ഷിക്കാനാണ് അദ്ദേഹം പോരാട്ടം നടത്തുന്നത്. എന്തു വില കൊടുത്തും രാഹുൽ ഗാന്ധിക്കൊപ്പം ഇന്ത്യൻ ജനത നിൽക്കുമെന്നും അദ്ദേഹം പറഞ്ഞു.