യുപിയില്‍ കോവിഡ് രോഗിയുടെ മൃതദേഹത്തിൽ നിന്നും ആഭരണങ്ങൾ മോഷണം പോയി; പരാതിയുമായി കുടുംബം

ലക്നൗ: യുപിയില്‍ കോവിഡ് ബാധിച്ച് മരിച്ച സ്ത്രീയുടെ മൃതദേഹത്തിൽ നിന്നും ആഭരണങ്ങൾ മോഷണം പോയതായി ആരോപണം. ഷഹ്റൻപുർ ജില്ലാ സ്വദേശിയായ സ്ത്രീയുടെ ബന്ധുക്കളാണ് സരസ്വയിലെ സര്‍ക്കാർ മെഡിക്കൽ കോളജിനെതിരെ ആരോപണം ഉന്നയിച്ചെത്തിയിരിക്കുന്നത്. സ്ത്രീയെ രോഗബാധിതയായി ആശുപത്രിയിൽ പ്രവേശിപ്പിച്ച സമയത്ത് അവർ ധരിച്ചിരുന്ന ആഭരണങ്ങൾ മരണശേഷം മൃതദേഹം വിട്ടു കിട്ടിയപ്പോൾ ഉണ്ടായിരുന്നില്ലെന്നാണ് ഇവർ ആരോപിക്കുന്നത്.