സൈബർ സെൽ ഉദ്യോഗസ്ഥൻ ചമഞ്ഞെത്തി ലൈംഗിക അതിക്രമം; യുവാവ് അറസ്റ്റിൽ

തിരുവനന്തപുരം: സൈബർ സെൽ ഉദ്യോഗസ്ഥനെന്ന വ്യാജേന വീടുകളിലെത്തി സ്ത്രീകളോട് ലൈംഗിക അതിക്രമം കാട്ടുന്ന യുവാവ് അറസ്റ്റിൽ. കുറുപുഴ നന്ദിയോട് പൗവത്തുർ സ്മിതാ ഭവനിൽ ദീപു കൃഷ്ണൻ ആണ് പിടിയിലായിരിക്കുന്നത്. സൈബർ സെൽ ഉദ്യോഗസ്ഥനാണെന്ന് പരിചയപ്പെടുത്തി സ്ത്രീകൾ താമസിക്കുന്ന വീട്ടിലെത്തുന്ന ഇയാൾ, അവരുടെ നഗ്ന ചിത്രങ്ങളും വീഡിയോകളും യൂട്യൂബിൽ അപ്ലോഡ് ചെയ്തിട്ടുള്ളത് പൊലീസിന് ലഭിച്ചുവെന്നാണ് പറയുന്നത്. ഇത് ഉറപ്പു വരുത്തുന്നതിനായി ശരീരത്തിന്‍റെ അളവ് എടുക്കണമെന്ന് പറഞ്ഞുകൊണ്ടാണ് അതിക്രമം.