വാരണാസിയിൽ ഗുരു പൂർണിമ ആഘോഷം; എഴുപതിലെറെ രാജ്യങ്ങളിലെ നയതന്ത്രഞ്ജരും അംബാസിഡർമാരും

സമ്പന്നമായ സംസ്കാരം എല്ലാ കാലത്തും വിദേശികളെ ഇന്ത്യയിലേക്ക് ആകർഷിക്കുന്ന ഘടകമാണ്. ഭാഷയിലും വേഷത്തിലുമൊക്കെയുള്ള വൈവിധ്യത്തിനിടയിലും രാജ്യത്തിന്റെ ഐക്യം നില നിർത്തുന്ന നിരവധി ആഘോഷങ്ങൾ നമുക്കുണ്ട്. ഇത്തരം ആഘോഷങ്ങളിൽ വിദേശ രാജ്യങ്ങളിലെ രാഷ്ട്രീയ പ്രമുഖരും ഉദ്യോഗസ്ഥരും പങ്കെടുക്കുന്നതും പതിവ് കാഴ്ചയാണ്. വിദേശകാര്യ മന്ത്രാലയത്തിന്റെ ക്ഷണം സ്വീകരിച്ച് അമ്പതോളം രാജ്യങ്ങളിൽ നിന്നുമുള്ള പ്രതിനിധികൾ ദീപാവലി ആഘോഷങ്ങളിൽ പങ്കെടുക്കാൻ ഈ മാസം ആദ്യം അയോദ്ധ്യയിൽ എത്തിയിരുന്നു. അതിന്റെ തുടർച്ചയായി ഗുരു പൂർണിമ ആഘോഷിക്കാൻ മന്ത്രാലയത്തിന്റെ ക്ഷണം സ്വീകരിച്ച് വാരണാസിയിലെത്തിയിരിക്കുന്നത് എഴുപതിലധികം രാജ്യങ്ങളിൽ നിന്നുള്ള നയതന്ത്രഞ്ജരും അംബാസിഡർമാരുമാണ്.