ഈ വർഷത്തെ റിപ്പബ്ലിക് ദിന ആഘോഷങ്ങൾ മികച്ചതാക്കാൻ ഡാൻസും ഡ്രോണ്‍ ഷോയും മുതൽ ട്രൈബല്‍ ഡാന്‍സ് ഫെസ്റ്റിവല്‍ വരെ

റിപ്പബ്ലിക് ദിനാഘോഷങ്ങളുടെ ഭാ​ഗമായി ജവഹർലാൽ നെഹ്റു സ്റ്റേഡിയത്തിൽ ജനുവരി 23, 24 തീയതികളിൽ മിലിട്ടറി ടാറ്റൂ ഫെസ്റ്റും ട്രൈബൽ ഡാൻസ് ഫെസ്റ്റിവലും നടക്കും. പ്രതിരോധ മന്ത്രാലയവും ആദിവാസികാര്യ മന്ത്രാലയവും സംയുക്തമായാണ് പരിപാടി സംഘടിപ്പിക്കുന്നത്. ഇന്ത്യൻ കോസ്റ്റ് ഗാർഡാണ് പരിപാടി ഏകോപിപ്പിക്കുന്നത്. 20 ആദിവാസി നൃത്തങ്ങളുമാണ് പരിപാടിയിൽ ഉണ്ടായിരിക്കുക. 1,200-ലധികം കലാകാരന്മാരാണ് ഇതിൽ അണിനിരക്കുന്നത്. ഗൗർ മരിയ, ഗഡ്ഡി നാറ്റി, സിദ്ദി ധമാൽ, ബൈഗ പർധോണി, പുരുലിയ, ബാഗുരുംബ, ഗുസാദി, ബാൾട്ടി, ലംബാഡി, പൈക, രത്വ, ബുഡിഗാലി, സോങ്കിമുഖാവതെ, കർമ്മ, മാംഗോ, കാ ഷാദ് മസ്തിഹ്, കുമ്മികളി, പാലയാർ, ചെരാവ് & രേഖാ & രേഖാ എന്നിവയാണ് പരിപാടിയിൽ അവതരിപ്പിക്കുന്ന പരമ്പരാഗത നൃത്തരൂപങ്ങൾ.

റിപ്പബ്ലിക് ദംന ആഘോഷങ്ങളുടെ ഭാഗമായി വന്ദേ ഭാരതം നൃത്തമത്സരത്തിന്റെ രണ്ടാം പതിപ്പും സംഘടിപ്പിച്ചിട്ടുണ്ട്. ഫോക്ക്/ട്രൈബൽ, ക്ലാസിക്കൽ, കണ്ടംപററി/ ഫ്യൂഷൻ എന്നീ വിഭാഗങ്ങളിൽ 17-30 വയസ് പ്രായമുള്ളവരിൽ നിന്ന് 2022 ഒക്ടോബർ 15 മുതൽ നവംബർ 10 വരെ എൻട്രികൾ ക്ഷണിച്ചിരുന്നു. സാംസ്‌കാരിക മന്ത്രാലയത്തിന്റെ കീഴിലുള്ള ഏഴ് സോണൽ കൾച്ചറൽ സെന്ററുകൾ 2022 നവംബർ 17 മുതൽ ഡിസംബർ 10 വരെ സംസ്ഥാന/യുടി തലത്തിലും സോണൽ തലത്തിലും എൻട്രികളുടെ മത്സരങ്ങൾ നടത്തിയിരുന്നു.

കഴിഞ്ഞ വർഷം ‘ആസാദി കാ അമൃത് മഹോത്സവ’ത്തിന്റെ ഭാഗമായി ആരംഭിച്ച പ്രധാനപ്പെട്ട പദ്ധതികളിലൊന്നാണ് വീർ ഗാഥ. സായുധ സേനയുടെ ധീരമായ പ്രവൃത്തികളെയും ത്യാഗങ്ങളെയും കുറിച്ച് കുട്ടികളിൽ അവബോധം സൃഷ്ടിക്കുകയും പ്രചരിപ്പിക്കുകയുമാണ് ഇതിലൂടെ ലക്ഷ്യമിടുന്നത്.

സംസ്ഥാനങ്ങളിൽ നിന്നും കേന്ദ്ര ഭരണ പ്രദേശങ്ങളിൽ നിന്നുമായി 17 ഉം, വിവിധ മന്ത്രാലയങ്ങളിൽ നിന്നും വകുപ്പുകളിൽ നിന്നുമായി ആറുമായി ആകെ 23 ടാബ്ലോകളാണ് പരേഡിൽ ഉണ്ടായിരിക്കുക. രാജ്യത്തിന്റെ സമ്പന്നമായ സാംസ്‌കാരിക പൈതൃകം, സാമ്പത്തികവും സാമൂഹികവുമായ പുരോഗതി, ശക്തമായ ആന്തരികവും ബാഹ്യവുമായ സുരക്ഷ എന്നിവയാണ് പരേഡിൽ കാണിക്കുക.

ജനുവരി 26 മുതൽ 31 വരെ ഡൽഹിയിലെ ചെങ്കോട്ടയ്ക്ക് മുന്നിലുള്ള ജ്ഞാനപഥിൽ ടൂറിസം മന്ത്രാലയത്തിന്റെ നേതൃത്വത്തിൽ ജൻ ഭാഗിദാരി പ്രമേയത്തെ അടിസ്ഥാനമാക്കി ‘ഭാരത് പർവ്’ സംഘടിപ്പിക്കും. റിപ്പബ്ലിക് ദിന ടാബ്ലോകൾ, സൈനിക ബാൻഡുകളുടെ പ്രകടനങ്ങൾ, സാംസ്‌കാരിക പ്രകടനങ്ങൾ, പാൻ ഇന്ത്യ ഫുഡ് കോർട്ടുകൾ, ക്രാഫ്റ്റ്‌സ് ബസാർ എന്നിവ ഇതിൽ പ്രദർശിപ്പിക്കും.

ഈ വർഷം പ്രധാന അതിഥികൾക്കും കാണികൾക്ക് നേരിട്ട് ക്ഷണക്കത്ത് നൽകുന്നതിന് പകരം ഇ-ഇൻവിറ്റേഷനാണ് നൽകിയത്. ഇതിനായി www.amantran.mod.gov.in എന്ന പ്രത്യേക പോർട്ടൽ ആരംഭിച്ചിട്ടുണ്ട്. ടിക്കറ്റുകൾ, അഡ്മിറ്റ് കാർഡുകൾ, ഇൻവിറ്റേഷൻ കാർഡുകൾ, കാർ പാർക്കിംഗ് ലേബലുകൾ എന്നിവ ഈ പോർട്ടൽ വഴി ഓൺലൈനായി ലഭ്യമാണ്.

സെൻട്രൽ വിസ്ത, കർത്തവ്യ പാത, പുതിയ പാർലമെന്റ് കെട്ടിടം എന്നിവയുടെ നിർമ്മാണത്തിൽ ഏർപ്പെട്ടവർ, പാൽ-പച്ചക്കറി കച്ചവടക്കാർ, വഴിയോര കച്ചവടക്കാർ തുടങ്ങി സമൂഹത്തിന്റെ നാനാതുറകളിലുള്ള സാധാരണ ജനങ്ങൾക്ക് ക്ഷണം അയച്ചിട്ടുണ്ട്.

കുട്ടികൾക്കിടയിൽ അച്ചടക്കം, ടീം വർക്ക്, ദേശീയത എന്നിവയുടെ മൂല്യങ്ങൾ പ്രോത്സാഹിപ്പിക്കുന്നതിനായി റിപ്പബ്ലിക് ദിനത്തോടനുബന്ധിച്ച് വിവിധ സ്‌കൂളുകൾക്കായി അഖിലേന്ത്യാ സ്‌കൂൾ ബാൻഡ് മത്സരം സംഘടിപ്പിച്ചു. വിദ്യാഭ്യാസ മന്ത്രാലയവുമായി ഏകോപിപ്പിച്ച് പ്രതിരോധ മന്ത്രാലയം സംഘടിപ്പിച്ച മത്സരത്തിൽ 300-ലധികം സ്‌കൂളുകൾ പങ്കെടുത്തു.

3,500 തദ്ദേശീയ ഡ്രോണുകൾ ഉൾപ്പെടുന്ന ഇന്ത്യയിലെ ഏറ്റവും വലിയ ഡ്രോൺ പ്രദർശനമാണിത്. റെയ്സിന കുന്നുകളിൽ വൈകുന്നേരമാണ് പരിപാടി നടക്കുക.

ഒരു 3-ഡി അനാമോർഫിക് പ്രൊജക്ഷനും ഇത്തവണത്തെ റിപ്പബ്ലിക് ദിനത്തിന്റെ ഭാ​ഗമായി സംഘടിപ്പിക്കും.