സെപ്റ്റംബര് മുതല് രാജ്യത്തെ വിദ്യാഭ്യാസ സ്ഥാപനങ്ങള് തുറന്നേക്കും; കേന്ദ്ര സര്ക്കാര് അനുമതി നല്കിയേക്കുമെന്ന് സൂചന
- Published by:user_49
- news18-malayalam
Last Updated:
സ്കൂളുകള് തുറക്കുന്നത് സംബന്ധിച്ച മാര്ഗരേഖ ഓഗസ്റ്റ് അവസാനം കേന്ദ്ര സര്ക്കാര് പുറത്തിറക്കും
രാജ്യത്തെ സ്കൂളുകള്, കോളേജുകള് എന്നിവ ഉള്പ്പടെയുള്ള വിദ്യാഭ്യാസ സ്ഥാപനങ്ങള് സെപ്റ്റംബര് ഒന്നു മുതല് തുറക്കാന് കേന്ദ്ര സര്ക്കാര് അനുമതി നല്കിയേക്കും. ഘട്ടം ഘട്ടമായാകും സ്കൂളുകള് തുറക്കുക. സ്കൂളുകള് തുറക്കുന്നത് സംബന്ധിച്ച മാര്ഗരേഖ ഓഗസ്റ്റ് അവസാനം കേന്ദ്ര സര്ക്കാര് പുറത്തിറക്കും.
10,11,12 ക്ലാസുകളാകും ആദ്യ ദിവസങ്ങളിൽ പ്രവര്ത്തിക്കാന് അനുവദിക്കുക. തുടര്ന്ന് 6 മുതല് 9 വരെയുള്ള ക്ലാസുകളുടെ പ്രവര്ത്തനം ആരംഭിക്കും. പ്രൈമറി, പ്രീ പ്രൈമറി ക്ലാസുകള് ഉടന് തുറക്കില്ല. സ്കൂളുകള് എന്ന് തുറക്കണമെന്നത് സംബന്ധിച്ച് തീരുമാനിക്കാന് ഉള്ള അധികാരം സംസ്ഥാനങ്ങള്ക്ക് നല്കിയേക്കും.
സ്കൂളുകള് തുറക്കുന്നത് സംബന്ധിച്ച കേന്ദ്ര മാനവ വിഭവശേഷി മന്ത്രാലയത്തിന്റെ നിര്ദേശം കഴിഞ്ഞ ദിവസം കേന്ദ്ര ആരോഗ്യമന്ത്രി ഹര്ഷ് വര്ധന്റെ അധ്യക്ഷതയില് ചേര്ന്ന വിവിധ കേന്ദ്ര മന്ത്രാലയങ്ങളുടെ സെക്രട്ടറിമാര് അടങ്ങുന്ന സമിതി ചര്ച്ച ചെയ്തു. ഈ ചർച്ചയിലായിരുന്നു തീരുമാനം.
advertisement
കോവിഡ് വ്യാപനം കുറഞ്ഞ സംസ്ഥാനങ്ങള് സ്കൂളുകള് തുറക്കാന് അനുവദിക്കണമെന്ന് കേന്ദ്ര സര്ക്കാരിനോട് അഭ്യര്ഥിച്ചിരുന്നു. സെപ്റ്റംബര് മുതല് വിദ്യാഭ്യാസ സ്ഥാപനങ്ങള് തുറക്കാന് അനുവദിക്കണം എന്നാണ് കേരളം മുന്നോട്ട് വച്ചിരുന്ന ആവശ്യം.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Aug 07, 2020 1:04 PM IST
മലയാളം വാർത്തകൾ/ വാർത്ത/India/
സെപ്റ്റംബര് മുതല് രാജ്യത്തെ വിദ്യാഭ്യാസ സ്ഥാപനങ്ങള് തുറന്നേക്കും; കേന്ദ്ര സര്ക്കാര് അനുമതി നല്കിയേക്കുമെന്ന് സൂചന
