തമിഴ്നാട് കൃഷ്ണഗിരിയിലെ പടക്കക്കടയിൽ തീപിടിത്തം: 6 മരണം; 20ലേറെ പേർക്ക് പരിക്ക്

Published by:Rajesh V

Last Updated:Jul 29, 2023 11:52 AM IST

ഒരേ കുടുംബത്തിലെ 4 പേർ മരിച്ചു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

കൃഷ്ണഗിരി: തമിഴ്നാട്ടിലെ കൃഷ്ണഗിരിയിലെ സ്വകാര്യ പടക്കക്കടയിലുണ്ടായ തീപിടിത്തത്തിൽ 6 പേർ മരിച്ചു. ഇരുപതോളം പേർക്ക് പരിക്കേറ്റതായാണ് റിപ്പോർട്ട്. ശനിയാഴ്ച കൃഷ്ണഗിരി പഴയപേട്ട മുരുകൻ ക്ഷേത്രത്തിലേക്കുള്ള റോഡിലെ സ്വകാര്യ പടക്ക നിർമാണ ശാലയിലെ ഗോഡൗണിലാണ് അപകടം. പരിക്കേറ്റ എല്ലാവരെയും കൃഷ്ണഗിരി സർക്കാർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

Also Read- കോഴിക്കോട് ചെത്ത് തൊഴിലാളി തെങ്ങിൽ നിന്ന് വീണു മരിച്ചു

പടക്കങ്ങൾ പൊട്ടിത്തെറിച്ച് സമീപത്തെ 3 വീടുകൾ പൂർണമായും തകർന്നു. വീടുകളിൽ ഉണ്ടായിരുന്നവരാണ് മരിക്കുകയും പരിക്കേല്‍ക്കുകയും ചെയ്തത്.

കെട്ടിടങ്ങൾക്കിടയിൽ ആളുകൾ കുടുങ്ങിക്കിടക്കുന്നുണ്ടെന്നാണ് വിവരം. പലർക്കും ഗുരുതരമായി പരിക്കേറ്റിട്ടുണ്ട്. മരണസംഖ്യ ഉയരാൻ സാധ്യതയുണ്ട്. ചുറ്റും ആളിപ്പടരുന്ന തീ അണയ്ക്കാനുള്ള ശ്രമത്തിലാണ് അഗ്നിശമന സേനാംഗങ്ങൾ. 4 ഫയർ ഫോഴ്സ് വാഹനങ്ങളിൽ 30 ഓളം പേർ രക്ഷാ പ്രവർത്തനം നടത്തി വരുന്നു.

കൃഷ്ണ ഗിരി ജില്ലാ പോലിസ് മേധാവി സരോജ് കുമാർ താഗൂർ, ജില്ലാ കലക്ടർ സരയൂ എന്നിവർ അപകട സ്ഥലത്ത് എത്തി.

ഒരേ കുടുംബത്തിലെ 4 പേർ മരിച്ചു

കൃഷ്ണ ഗിരി സ്വദേശി രവി എന്നയാൾ പടക്കശാല കരാർ അടിസ്ഥാനത്തിൽ നടത്തി വരികയായിരുന്നു എന്നാണ് വിവരം. രവി, ഭാര്യ ജയശ്രീ, രണ്ടു മക്കൾ രിത്തികാ, രിത്തീഷ് ഉൾപെടെ ഒരേ കുടുംബത്തിലെ നാലു പേർ സ്ഫോടനത്തിൻ്റെ ആഘതത്തിൽ വീട് തകർന്ന് ഉണ്ടായ അപകടത്തിൽ മരണപ്പെട്ടു.