പൊതുചടങ്ങിനിടെ വേദിയിൽ കുഴഞ്ഞുവീണു; ഗുജറാത്ത് മുഖ്യമന്ത്രി വിജയ് രൂപാണി ആശുപത്രിയിൽ

അഹമ്മദാബാദ്: ഗുജറാത്ത് മുഖ്യമന്ത്രി വിജയ് രൂപാണിയുടെ ആരോഗ്യനില തൃപ്തികരമെന്ന് ആശുപത്രി അധികൃതർ. കഴിഞ്ഞ ദിവസം വഡോദരയിൽ ഒരു പൊതുചടങ്ങിനിടെ വേദിയിൽ കുഴഞ്ഞുവീണതിനെ തുടർന്നാണ് രൂപാണിയെ ആശുപത്രിയിൽ പ്രവേശിപ്പിച്ചത്. ആരോഗ്യനിലയിൽ ആശങ്കപ്പെടേണ്ടതായി ഒന്നുമില്ലെന്നും എന്നാൽ ഇരുപത്തിനാല് മണിക്കൂർ നിരീക്ഷണത്തിൽ കഴിയേണ്ടി വരുമെന്നുമാണ് അധികൃതർ അറിയിച്ചത്. അദ്ദേഹത്തിന്‍റെ പരിശോധനഫലങ്ങളിലും കാര്യമായ പ്രശ്നങ്ങൾ ഒന്നുമില്ലെന്നും ഇവർ വ്യക്തമാക്കി.