ദീപാവലിക്ക് സ്കൂട്ടറിൽ കൊണ്ടുപോയ ഒണിയൻ ബോംബ് പൊട്ടിത്തെറിച്ച് ഒരാൾ മരിച്ചു; ആറു പേർക്ക് പരിക്ക്

ദീപാവലി ആഘോഷത്തിനായി പ്രത്യേകം തയാറാക്കുന്ന ഒനിയൻ ബോംബ് എന്നറിയപ്പെടുന്ന പടക്കങ്ങളാണ് പൊട്ടിത്തെറിച്ചത്. ആറു പേർക്ക് പരിക്കേറ്റു.പടക്കങ്ങൾ കൊണ്ടുപോകുന്നതിനിടെ സ്കൂട്ടർ റോഡിലെ കുഴിയിൽ വീഴുകയും സ്കൂട്ടറിന് മുൻഭാഗത്ത് വച്ചിരുന്ന പടക്കങ്ങൾ താഴെ വീണ് പൊട്ടിത്തെറിക്കുകയുമായിരുന്നു. സ്കൂട്ടറോടിച്ചിരുന്ന സുധാകർ എന്നയാളാണ് മരിച്ചത്. സ്കൂട്ടറിന് പിൻസീറ്റിലിരുന്ന ആൾക്കും പരിക്കേറ്റിട്ടുണ്ട്. പരിക്കേറ്റ 6 പേരിൽ 2 പേരുടെ നിലഗുരുതരമാണ്. സ്കൂട്ടർ പൊട്ടിത്തെറിക്കുന്നതിന്റെ സിസിടിവി ദൃശ്യങ്ങളും പുറത്തുവന്നു

സ്കൂട്ടറിൽ കൊണ്ടുപോയ ഒനിയൻ ദീപാവലി ബോംബുകൾക്ക് ഐഇഡി(mprovised explosive device)യുടെ അതേ സ്ഫോടന ശേഷിയുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്. പൊലീസ് കേസെടുത്ത് അന്വേഷണം തുടങ്ങി.