മുംബൈയിൽ ഓടിക്കൊണ്ടിരുന്ന ലോക്കൽ ട്രെയിനിൽനിന്ന് വീണ് 5 പേർ മരിച്ചു; ഒട്ടേറെ പേർക്ക് പരിക്ക്
- Published by:Rajesh V
- news18-malayalam
Last Updated:
ഛത്രപതി ശിവജി മഹാരാജ് ടെര്മിനലിലേക്ക് വന്നുകൊണ്ടിരുന്ന ലോക്കല് ട്രെയിനില്നിന്ന് 10-15 യാത്രക്കാര് താഴേക്കുവീഴുകയായിരുന്നുവെന്നാണ് പ്രാഥമിക റിപ്പോര്ട്ടുകള്
മുംബൈയില് തിങ്ങിനിറഞ്ഞ ലോക്കൽ ട്രെയിനില്നിന്നും ട്രാക്കിലേക്ക് വീണ് അഞ്ചുപേര് മരിച്ചതായി റിപ്പോർട്ട്. ഒട്ടേറെ പേര്ക്ക് പരിക്കേറ്റു. തിങ്കളാഴ്ച രാവിലെ തിരക്കേറിയ സമയത്താണ് അപകടമുണ്ടായത്. ദിവ-കോപര് റെയില്വെ സ്റ്റേഷനുകള്ക്കിടയിലാണ് അപകടമുണ്ടായത്.
ഛത്രപതി ശിവജി മഹാരാജ് ടെര്മിനലിലേക്ക് വന്നുകൊണ്ടിരുന്ന ലോക്കല് ട്രെയിനില്നിന്ന് 10-15 യാത്രക്കാര് താഴേക്കുവീഴുകയായിരുന്നുവെന്നാണ് പ്രാഥമിക റിപ്പോര്ട്ടുകള്. ട്രെയിനില് ക്രമാതീതമായ തിരക്കുണ്ടായിരുന്നതായും യാത്രക്കാര് വാതിലുകളുടെ കമ്പിയില് തൂങ്ങിനിന്നതായും സൂചനയുണ്ട്. ട്രാക്കില് വീണവരെ ആശുപത്രിയില് പ്രവേശിപ്പിച്ചു.
30നും 35നും മധ്യേ പ്രായമുള്ളവരാണ് മരിച്ചത്. ഇവരെ തിരിച്ചറിയാനുള്ള നടപടികള് പുരോഗമിക്കുകയാണ്. സംഭവത്തില് അന്വേഷണവും ആരംഭിച്ചു. അപകടത്തെ തുടര്ന്ന് മുംബൈ സബര്ബനുവേണ്ടി നിര്മിക്കുന്ന എല്ലാ ബോഗികള്ക്കും ഓട്ടോമാറ്റിക് വാതിലുകള് സജ്ജീകരിക്കുമെന്ന് റെയില്വെ ബോര്ഡ് അറിയിച്ചു.
Summary: In a tragic and shocking incident, five passengers died and several others were injured after they fell on the railway track onboard Mumbra- Chhatrapati Shivaji Maharaj Terminus (CSMT) fast local train in Maharashtra’s Thane on Monday, according to Thane Municipal Commissioner.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Mumbai,Maharashtra
First Published :
Jun 09, 2025 1:57 PM IST
മലയാളം വാർത്തകൾ/ വാർത്ത/India/
മുംബൈയിൽ ഓടിക്കൊണ്ടിരുന്ന ലോക്കൽ ട്രെയിനിൽനിന്ന് വീണ് 5 പേർ മരിച്ചു; ഒട്ടേറെ പേർക്ക് പരിക്ക്
