മുന്‍ അറ്റോണി ജനറല്‍ സോളി സൊറാബ്​ജി അന്തരിച്ചു; പാവപ്പെട്ടവരെ സഹായിക്കാൻ മുന്നിൽനിന്ന വ്യക്തിത്വമെന്ന് പ്രധാനമന്ത്രി

കോവിഡ് ബാധിച്ച് ഡൽഹിയിലെ സ്വകാര്യ ആശുപത്രിയിൽ വച്ച് അന്തരിച്ച മുൻ അറ്റോർണി ജനറൽ സോളി സൊറാബ്ജിയുടെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചിച്ചു. ചീഫ് ജസ്റ്റിസ് എൻ വി രമണ, നിരവധി കേന്ദ്രമന്ത്രിമാർ എന്നിവരും സൊറാബ്ജിയുടെ നിര്യാണത്തിൽ അനുശോചിച്ചു. "ശ്രീ സോളി സോറാബ്ജി ഒരു മികച്ച അഭിഭാഷകനും ബുദ്ധിജീവിയുമായിരുന്നു. പാവപ്പെട്ടവരെയും സമൂഹത്തിലെ താഴേത്തട്ടിലുള്ളവരെയും സഹായിക്കുന്നതിൽ അദ്ദേഹം മുൻപന്തിയിലായിരുന്നു. ഇന്ത്യയുടെ അറ്റോർണി ജനറൽ എന്ന നിലയിൽ അദ്ദേഹത്തിന്റെ ശ്രദ്ധേയമായ പ്രവർത്തന കാലഘട്ടം എന്നെന്നും അനുസ്മരിക്കപ്പെടുന്നതാണ്. അദ്ദേഹത്തിന്റെ നിര്യാണത്തിൽ അനുശോചിക്കുന്നു. അദ്ദേഹത്തിന്റെ കുടുംബത്തെയും സുഹൃത്തുക്കളെയും അനുശോചനം അറിയിക്കുന്നു', പ്രധാനമന്ത്രി മോദി ട്വീറ്റ് ചെയ്തു.