മതിയായ ചികിത്സ നൽകുന്നില്ല; രണ്ട് രോഗികൾ മരിച്ച സംഭവത്തിൽ സർക്കാർ ആശുപത്രികള്‍ക്കെതിരെ കോൺഗ്രസ് മുൻ എംപി

സംസ്ഥാനത്തെ കോൺഗ്രസ് വർക്കിംഗ് പ്രസിഡന്‍റുമാരിലൊരാളാണ് പൊന്നം. രണ്ട് സംഭവങ്ങളുമായി ബന്ധപ്പെട്ട് സംസ്ഥാന മനുഷ്യാവകാശ കമ്മീഷന് ഓൺലൈനായി പരാതി നൽകിയെന്ന വിവരം പൂനം തന്നെയാണ് പുറത്തുവിട്ടത്. കോവിഡ് 19 സ്ഥിരീകരിച്ച് ചികിത്സയിലിരുന്ന 34കാരനായ യുവാവ് സംസ്ഥാനത്ത് ഒരു ആശുപത്രിയിൽ മരിച്ചിരുന്നു. ആശുപത്രിയിൽ നിന്ന് ഇയാൾ ബന്ധുക്കൾക്കയച്ച വീഡിയോയിൽ ഇവിടുത്തെ ചികിത്സാ പരിമിതികളെക്കുറിച്ച് പറഞ്ഞിട്ടുണ്ടെന്നാണ് പൂനം ആരോപിക്കുന്നത്. തനിക്ക് ആവശ്യമായ അളവിൽ ഓക്സിജൻ ലഭ്യമാക്കുന്നില്ലെന്നും താൻ മരിച്ചു കൊണ്ടിരിക്കുകയാണെന്നുമാണ് യുവാവ് വീഡിയോയിൽ ആരോപിക്കുന്നത്.  ഈ വീഡിയോ സോഷ്യൽ മീഡിയയിലടക്കം വൈറലാവുകയും ചെയ്തിരുന്നു. ഇത് ചൂണ്ടിക്കാട്ടിയാണ് കോൺഗ്രസ് നേതാവിന്‍റെ പരാതി.

മറ്റൊരു സർക്കാർ ആശുപത്രിയിൽ എട്ട് മാസം പ്രായമായ കുഞ്ഞ് മരിക്കാനിടയായതും മതിയായ ചികിത്സ ലഭിക്കാത്തതു കൊണ്ടാണെന്നും പൊന്നം മനുഷ്യാവകാശ കമ്മീഷന് നൽകിയ പരാതിയിൽ പറയുന്നു. സംഭവങ്ങളിൽ വിശദമായ അന്വേഷണം വേണമെന്നാണ് ആവശ്യം.