കന്യാകുമാരിയിൽ പള്ളിപ്പെരുന്നാള് അലങ്കാരത്തിനിടെ ഷോക്കേറ്റ് നാലുപേര് മരിച്ചു
- Published by:Rajesh V
- news18-malayalam
Last Updated:
അലങ്കാര ജോലികള്ക്കിടെ ഇരുമ്പ് ഗോവണി ഹൈടെന്ഷൻ ഇലക്ട്രിക് ലൈനില് തട്ടിയാണ് അപകടമുണ്ടായത്
കന്യാകുമാരി: തമിഴ്നാട്ടിലെ കന്യാകുമാരി ഇനയംപുത്തൻതുറൈയില് നാലുപേര് ഷോക്കേറ്റ് മരിച്ചു. പത്തുദിവസം നീണ്ടുനില്ക്കുന്ന പുത്തന്തുറൈയിലെ സെന്റ് ആന്റണീസ് പള്ളിപ്പെരുന്നാളിനോട് അനുബന്ധിച്ച് നടന്ന അലങ്കാര ജോലികള്ക്കിടെയാണ് അപകടം. ഇരുമ്പ് ഗോവണി ഹൈടെന്ഷൻ ഇലക്ട്രിക് ലൈനില് തട്ടിയാണ് അപകടമുണ്ടായത്.
ഗോവണിയിൽ നിന്ന് ജോലി ചെയ്തിരുന്ന വിജയന് (52), ദസ്തസ് (35), ശോഭന് (45), മതന് ( 42) എന്നിവരാണ് മരിച്ചത്. മൃതദേഹം ആശാരിപള്ളം മെഡിക്കല് കോളേജിലേക്ക് മാറ്റി.
ദൃക്സാക്ഷികൾ പകര്ത്തിയ സംഭവത്തിന്റെ ദൃശ്യങ്ങൾ പുറത്തുവന്നു. ഗോവണി ഹൈടെൻഷൻ വയറിൽ തട്ടി നിലത്ത് തീപ്പൊരി വീഴുന്നതും നാലുപേരും ഒന്നിനു പുറകെ ഒന്നായി വീഴുന്നതും ദൃശ്യങ്ങളിൽ കാണാം. പുതുക്കടൈ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
Summary: Four people were electrocuted to death during preparations for a 10-day church festival in Tamil Nadu's Kanyakumari district, police said on Saturday. The incident happened when the four people were busy decorating a chariot for the ninth day celebrations at Enayam Puthenthurai St Antony's Church.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Kanniyakumari (Kanyakumari),Kanniyakumari,Tamil Nadu
First Published :
Mar 02, 2025 6:30 AM IST
മലയാളം വാർത്തകൾ/ വാർത്ത/India/
കന്യാകുമാരിയിൽ പള്ളിപ്പെരുന്നാള് അലങ്കാരത്തിനിടെ ഷോക്കേറ്റ് നാലുപേര് മരിച്ചു
