ഗൾ‌ഫ് യാത്രക്ക് ചെലവേറും; എയർ ഇന്ത്യ ഇന്ധന സർചാർജ് പരിഷ്കരിച്ചു; പുതിയ നിരക്കുകൾ ഏപ്രിൽ 8 മുതൽ

പുതുക്കിയ നിരക്കുകൾ ഏപ്രിൽ 8 രാവിലെ 9:01 മുതൽ ബുക്ക് ചെയ്യുന്ന ടിക്കറ്റുകൾക്ക് ബാധകമായിരിക്കും. പശ്ചിമേഷ്യൻ സംഘർഷത്തെത്തുടർന്ന് മാർച്ചിൽ ഏർപ്പെടുത്തിയ സർചാർജ് ആണ് ഒരു മാസം തികയും മുൻപേ വീണ്ടും പരിഷ്കരിച്ചത്.

മുമ്പ് ദൂരവ്യത്യാസമില്ലാതെ എല്ലാ റൂട്ടുകൾക്കും 399 രൂപയായിരുന്നു സർചാർജ്. ഇനി മുതൽ യാത്ര ചെയ്യുന്ന ദൂരത്തിനനുസരിച്ച് നിരക്ക് മാറും:

വിദേശ യാത്രകൾക്കുള്ള സർചാർജിലാണ് വർധനവ് ഉണ്ടായിരിക്കുന്നത്. ഗൾഫ് രാജ്യങ്ങളിലേക്കുള്ള നിരക്ക് 5 മടങ്ങ് വർധിച്ചു.

പ്രാബല്യത്തിൽ വരുന്നത്: പശ്ചിമേഷ്യ, സാർക്, ആഫ്രിക്ക, ഏഷ്യൻ രാജ്യങ്ങളിലേക്കുള്ള പുതിയ നിരക്ക് ഏപ്രിൽ 8 മുതൽ പ്രാബല്യത്തിൽ വരും.

ദീർഘദൂര സർവീസുകൾ: യൂറോപ്പ്, നോർത്ത് അമേരിക്ക, ഓസ്ട്രേലിയ എന്നിവിടങ്ങളിലേക്കുള്ള പുതുക്കിയ നിരക്ക് ഏപ്രിൽ 10 പുലർച്ചെ 1 മണി മുതലുള്ള ബുക്കിങ്ങുകൾക്കായിരിക്കും ബാധകം.

മറ്റ് രാജ്യങ്ങൾ: ബംഗ്ലാദേശ്, ജപ്പാൻ, ഹോങ്കോങ്, ദക്ഷിണ കൊറിയ തുടങ്ങിയ രാജ്യങ്ങളിലേക്കുള്ള നിരക്കുകൾ ഉടൻ പ്രഖ്യാപിക്കും.

ഇന്ധനവില വർധനവിന്റെ ഭാരം യാത്രക്കാരിലേക്ക് കൈമാറാൻ നിർബന്ധിതരായെങ്കിലും, വർധനവിന്റെ ഒരു വലിയ ഭാഗം എയർലൈൻ തന്നെ ഇപ്പോഴും വഹിക്കുന്നുണ്ടെന്ന് എയർ ഇന്ത്യ അറിയിച്ചു.

Summary: Following in the footsteps of IndiGo, Air India and Air India Express have announced a significant revision to their fuel surcharge structure for both domestic and international flights. The new rates are set to take effect from April 8, 2026 (9:01 AM IST) for most routes, citing the sharp rise in Aviation Turbine Fuel (ATF) costs. The airline has moved from a flat ₹399 fee to a distance-based model. Surcharges will now range from ₹299 (for short hauls under 500 km) to ₹899 (for long hauls exceeding 2,000 km). Overseas sectors will see a steeper hike. Notably, the surcharge for Gulf/Middle East destinations has jumped from $10 to $50.