കുടിലിന് തീപിടിച്ച് മുത്തച്ഛനും 3 പേരക്കുട്ടികളും വെന്തുമരിച്ചു

മധ്യപ്രദേശിലെ ശിവപുരി ജില്ലയിൽ കുടിലിന് തീപിടിച്ച് മുത്തച്ഛനും രണ്ടു പേരക്കുട്ടികളും വെന്തുമരിച്ചു. ശനിയാഴ്ച രാത്രി 11 മണിയോടെ ലക്ഷ്മിപുര ഗ്രാമത്തിലെ ഒരു കുടിലിന്റെ മേൽക്കൂര തകർന്നുവീണാണ് സംഭവം. ഹസാരി ബഞ്ചാര (65), കൊച്ചുമകൾ അനുഷ്‌ക (7) എന്നിവരാണ് മരിച്ചത്. ഗുരുതരമായി പരിക്കേറ്റ മറ്റൊരു കൊച്ചുമകൾ സന്ധ്യ (5) ആശുപത്രിയിലേക്കുള്ള യാത്രാമധ്യേ മരണത്തിന് കീഴടങ്ങി. ഒപ്പമുണ്ടായിരുന്ന മറ്റൊരു കൊച്ചുമകൾ ജ്യോതി പുറത്തേക്ക് പെട്ടെന്ന് ഓടിയതിനാൽ രക്ഷപ്പെട്ടു. അയൽവാസികളാണ് തീ പടരുന്നത് കണ്ട് അഗ്നിശമന സേനയെ വിവരമറിയിച്ചത്.