Lok Sabha Election Results 2024: നിർണായക നീക്കം; ചന്ദ്രബാബു നായിഡുവിനെ ഫോണിൽ വിളിച്ച് പ്രധാനമന്ത്രി നരേന്ദ്ര മോദിയും അമിത് ഷായും

ആന്ധ്രാപ്രദേശ് ബിജെപി ചുമതലയുള്ള സിദ്ധാർത്ഥ് നാഥ് സിംഗും നായിഡുവിനെ കണ്ട് അഭിനന്ദനം അറിയിച്ചു. 2019 ലെ പൊതുതെരഞ്ഞെടുപ്പിന് മുന്നോടിയായി എൻഡിഎയിൽ നിന്ന് പിരിഞ്ഞ് യുപിഎയിൽ ചേരാനുള്ള തീരുമാനത്തിന് നായിഡുവിന് കനത്ത വില നൽകേണ്ടിവന്നിരുന്നു. ഇപ്പോൾ വമ്പൻ തിരിച്ചുവരവാണ് നായിഡു നടത്തിയത്. ഇത്തവണ ആ തെറ്റ് ആവർത്തിച്ചില്ല. നിയമസഭയിലും ലോക്‌സഭാ തിരഞ്ഞെടുപ്പിലും അദ്ദേഹം തന്റെ പാർട്ടിയെയും എൻഡിഎയെയും ഒറ്റയ്ക്ക് നയിച്ചു.

2019ലെ തിരഞ്ഞെടുപ്പിലെ വൻ പരാജയത്തെത്തുടർന്ന് രാഷ്ട്രീയമായി പാർശ്വവത്കരിക്കപ്പെട്ട ടിഡിപി മേധാവിയുമായി പ്രധാനമന്ത്രി മോദിയും ഷായും നിരന്തരം സമ്പർക്കത്തിലാണ്. നായിഡു എൻഡിഎയിൽ തുടരാൻ തീരുമാനിച്ചാൽ, നിലവിൽ 291 സീറ്റുകളിൽ ലീഡ് ചെയ്യുന്ന ബിജെപി നേതൃത്വത്തിലുള്ള ഭരണ സഖ്യത്തിന് അത് നിർണായകമാകും.