Loksabha Election: കോൺഗ്രസിന്‍റെ ഒമ്പതാം പട്ടികയിലും വയനാടും വടകരയുമില്ല

Last Updated:Mar 24, 2019 8:00 PM IST

നാളെ ചേരുന്ന കേന്ദ്ര തിരഞ്ഞെടുപ്പ് സമിതിയിൽ രാഹുൽ ഗാന്ധിയുടെ സ്ഥാനാർത്ഥിത്വം സംബന്ധിച്ച് തീരുമാനം ഉണ്ടാകുമെന്നാണ് സൂചന

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ന്യൂഡൽഹി: കോൺഗ്രസിന്റെ ഒമ്പതാമത്തെ സ്ഥാനാർത്ഥിപ്പട്ടികയിലും വയനാടും വടകരയും ഒഴിച്ചിട്ടു. നാളെ ചേരുന്ന കേന്ദ്ര തിരഞ്ഞെടുപ്പ് സമിതിയിൽ രാഹുൽ ഗാന്ധിയുടെ സ്ഥാനാർത്ഥിത്വം സംബന്ധിച്ച് തീരുമാനം ഉണ്ടാകുമെന്നാണ് സൂചന. എന്നാൽ ഔദ്യോഗിക തീരുമാനത്തിന് മുമ്പ് സ്ഥാനാർത്ഥിത്വം പരസ്യമാക്കിയ കേരള നേതാക്കളുടെ നടപടിയിൽ ഹൈക്കമാന്റിന് അതൃപ്തിയുള്ളതായാണ് വിവരം.

അമേഠിക്ക് പുറമെ ദക്ഷിണേന്ത്യയിലെ ഏതെങ്കിലും മണ്ഡലത്തിൽ നിന്നു കൂടി രാഹുൽ ജനവിധി തേടണമെന്ന് കോൺഗ്രസ് നേതൃത്വം നേരത്തെ തീരുമാനിച്ചിരുന്നു. കേരളം, തമിഴ്നാട്, കർണാടകം സംസ്ഥാനങ്ങളാണ് പരിഗണനയിൽ. എന്നാൽ തമിഴ്നാട്ടിലും കർണാടകത്തിലും രാഹുലിനായി കരുതി വെച്ചിരുന്ന സീറ്റുകളിലെല്ലാം സ്ഥാനാർത്ഥിയെ പ്രഖ്യാപിച്ചു കഴിഞ്ഞു.

Also read: 'കോൺഗ്രസിൽ ചേർന്നിട്ടില്ല, പ്രചരിക്കുന്നത് പഴയ ചിത്രം': സപ്ന ചൗധരി

തമിഴ്നാട് സംസ്ഥാനത്തെ ശിവഗംഗയിൽ കാർത്തി ചിദംബരവും കന്യാകുമാരിയില്‍ വസന്ത് കുമാറും മത്സരിക്കും. കർണാടകയിൽ ബാംഗ്ലൂർ സൗത്ത് -ഡി.കെ.ഹരിപ്രസാദ് ബാംഗ്ലൂർ സെൻട്രലിൽ റിസ്വാൻ, ബാംഗ്ലൂർ റൂറലിൽ ഡി കെ സുരേഷ് എന്നിവരുടെ പേരുകൾ അടങ്ങിയ പട്ടികയാണ് ഇന്ന് പുറത്തുവന്നത്.