റഷ്യൻ കൂലിപ്പട്ടാളത്തിൽച്ചേർന്ന ഇന്ത്യക്കാരിൽ മലയാളികളടക്കം 12 പേർ കൊല്ലപ്പെട്ടെന്ന് വിദേശകാര്യ മന്ത്രാലയം

റഷ്യൻ കൂലിപ്പട്ടാളത്തിന്റെ ഭാഗമാകേണ്ടി വന്ന ഇന്ത്യക്കാരിൽ മലയാളികളടക്കം 12 പേർ ഇതുവരെ കൊല്ലപ്പെട്ടതായി വിദേശകാര്യ മന്ത്രാലയം അറിയിച്ചു. വിദേശകാര്യമന്ത്രാലയ വക്താവ് രൺധീർ ജേയ്സ്വാളാണ് വാർത്താസമ്മേളനത്തിൽ ഇക്കാര്യം അറിയിച്ചത്. 126 ഇന്ത്യക്കാർ ഇതുവരെ റഷ്യൻ സൈന്യത്തിൻറെ ഭാഗമായി എന്നാണ് വിവരമെന്നും ഇതിൽ 96 പേർ ഇന്ത്യയിൽ തിരിച്ചെത്തിയിട്ടുണ്ടെന്നും അദ്ദേഹം പറഞ്ഞു.