ഫെയ്സ്ബുക്ക് സുഹൃത്തിനെ കാണാൻ നേപ്പാളിൽ നിന്നും മധ്യപ്രദേശിലെത്തി 16 കാരി; ശിശുക്ഷേമ സമിതിയെ വിവരം അറിയിച്ച് യുവാവ്

Published by:Naseeba TC
news18-malayalam

Last Updated:Nov 30, 2020 10:34 AM IST

കാഠ്മണ്ഡുവിൽ നിന്ന് വിമാന മാർഗം ഇന്ത്യയിലെത്തി നിരവധി നാടുകളിലൂടെ ബസിൽ യാത്ര ചെയ്താണ് ഒടുവിൽ മധ്യപ്രദേശിൽ എത്തിയത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

സോഷ്യൽമീഡിയയിലൂടെ സുഹൃത്തായ യുവാവിനെ കാണാൻ നേപ്പാളിൽ നിന്നും മധ്യപ്രദേശിലേക്ക് യാത്ര ചെയ്ത് പതിനാറു കാരി. ഫെയ്സ്ബുക്കിലൂടെ പരിചയപ്പെട്ട മധ്യപ്രദേശ് സ്വദേശിയായ ഇരുപതുകാരനെ തേടിയാണ് പെൺകുട്ടി എത്തിയത്. രണ്ട് വർഷം മുമ്പാണ് ഇരുവരും പരിചയപ്പെട്ടത്.

കാണ്ഠ്മണ്ഡു സ്വദേശിയായ പതിനാറു വയസ്സുള്ള പെൺകുട്ടി വിമാന മാർഗം ഇന്ത്യയിലെത്തി നിരവധി നാടുകളിലൂടെ ബസിൽ യാത്ര ചെയ്താണ് ഒടുവിൽ മധ്യപ്രദേശിൽ എത്തിയത്.

You may also like:50 വീടുകൾ, 20 ആഡംബര കാറുകൾ, കുടിക്കുന്നത് 29 കോടിയുടെ വൈൻ; കഞ്ചാവ്‌ വിറ്റ്‌ ശതകോടീശ്വരനായ യുവാവിന്റെ ജീവിതം ഇങ്ങനെ

മധ്യപ്രദേശിലെ സെഹോർ ജില്ലയിലുള്ള ആഷ്ത ടൗണിലാണ് യുവാവ് താമസിക്കുന്നത്. ഇവിടെ മെഡിക്കൽ സ്റ്റോറിൽ ജീവനക്കാരനാണ് ഇയാൾ. യുവാവിനെ അറിയിക്കാതെയാണ് പെൺകുട്ടി ഇത്ര ദൂരം യാത്ര ചെയ്ത് എത്തിയത്.

പെൺകുട്ടിയെ കണ്ട് അമ്പരന്ന യുവാവ് പൊലീസിനെ വിവരം അറിയിക്കുകയായിരുന്നു. വിവരം അറിഞ്ഞെത്തിയ പൊലീസ് പെൺകുട്ടിയെ ഭോപ്പാലിലെ ശിശുക്ഷേമ സമിതിക്ക് കൈമാറി. കോവിഡ് പരിശോധനയ്ക്ക് വിധേയമാക്കിയ ശേഷം പെൺകുട്ടിയെ നേപ്പാളിലേക്ക് തിരിച്ചയക്കാനുള്ള ഒരുക്കത്തിലാണ് ശിശുക്ഷേമ സമിതി.