അമ്മയെ കാണാൻ നരേന്ദ്ര മോദി ഗുജറാത്തിലേക്ക്; പിന്നെ അവിടുന്ന് കാശിയിലേക്കും

തെരഞ്ഞെടുപ്പ് കഴിഞ്ഞു, ഫലം വന്നു. ഇനി വിരലിൽ എണ്ണാവുന്ന ദിവസങ്ങൾക്കുള്ളിൽ നരേന്ദ്ര മോദി വീണ്ടും അധികാരത്തിലേക്ക്. ചുരുങ്ങിയ ദിവസങ്ങൾക്കുള്ളിൽ ചെയ്തു തീർക്കാൻ കുറച്ചു കാര്യങ്ങൾ കൂടി. പ്രചാരണവും തിരക്കുകളുമായി കഴിഞ്ഞ ദിനങ്ങൾ പൊയ്ക്കഴിഞ്ഞു. ഇനി മോദി നേരെ പോകുന്നത് അമ്മ ഹീരാബെൻ മോദിയെ കാണാനാണ്. ഗുജറാത്തിൽ ചെന്ന് അമ്മയുടെ അനുഗ്രഹം വാങ്ങണം. അവിടുന്ന് നേരെ കാശിയിലേക്കും. തന്നിൽ രണ്ടാം വട്ടവും വിശ്വാസം അർപ്പിച്ച ജനങ്ങൾക്കുള്ള നന്ദി രേഖപ്പെടുത്തലാണ് ഉദ്ദേശം. ട്വിറ്റർ വഴി തന്റെ പ്രിയ ജനങ്ങളോട് പറഞ്ഞ ശേഷമാണ് മോദി യാത്ര തിരിക്കുന്നത്. നാളെ വൈകുന്നേരം അമ്മയെ കാണാൻ പോകും.