'പുരുഷന്മാരോട് ആരും ഇത് ചോദിക്കില്ല': ബജറ്റ് ദിന സാരി ചർച്ചയിലെ ലിംഗവിവേചനം ചൂണ്ടിക്കാട്ടി നിർമലാ സീതാരാമൻ

ബജറ്റ് ദിനത്തിൽ തന്റെ ജോലിയേക്കാൾ ഉപരി വസ്ത്രധാരണത്തിന് നൽകുന്ന അമിത ശ്രദ്ധയെയും അതിലെ ലിംഗവിവേചനത്തെയും വിമർശിച്ച് കേന്ദ്ര ധനമന്ത്രി നിർമല സീതാരാമൻ. പുരുഷന്മാരായ ധനമന്ത്രിമാർക്ക് ഇത്തരം ചോദ്യങ്ങൾ നേരിടേണ്ടി വരാറില്ലെന്നും  ബജറ്റ് ദിനത്തിൽ താൻ എന്ത് ധരിക്കുമെന്ന ചോദ്യങ്ങൾ ഓരോ വർഷവും തനിക്ക് സമ്മർദ്ദമുണ്ടാക്കുന്നുണ്ടെന്നും നിർമലാസീതാരാമൻ പറഞ്ഞു. ഒരു പുരുഷ ധനമന്ത്രിയോട് ആരെങ്കിലും ഇത്തരത്തിൽ ചോദിക്കുമോ? ഇത്തരം ചർച്ചകൾ പ്രൊഫഷണൽ അതിർവരമ്പുകൾ ലംഘിക്കുന്നതാൻ. താൻ ഇനി ഇഷ്ടമുള്ളത് ധരിക്കുമെന്നും ധനമന്ത്രി വ്യക്തമാക്കി.