ബക്രീദിന് പശുക്കളെ ബലി നൽകുന്നത് ഒഴിവാക്കണം; തെലങ്കാന ആഭ്യന്തര മന്ത്രി മഹമ്മൂദ് അലി

ഹൈദരാബാദ്: ബക്രീദുമായി ബന്ധപ്പെട്ട ബലിദാനത്തിൽ നിന്ന് പശുക്കളെ ഒഴിവാക്കണമെന്ന് ആവശ്യപ്പെട്ട് തെലങ്കാന ആഭ്യന്തര മന്ത്രി മുഹമ്മദ് മഹമ്മൂദ് അലി. 'മതേതരത്വത്തിന്‍റെ പേരിൽ അറിയപ്പെടുന്ന സംസ്ഥാനത്ത് എല്ലാ മതങ്ങൾക്കും തുല്യ പരിഗണനയും ബഹുമാനവുമാണ് നൽകി വരുന്നത്. ഈ അന്തസത്ത ഉൾക്കൊണ്ട് വേണം ബക്രീദും ആഘോഷിക്കേണ്ടത്... ടിആർഎസ് ഭരണകാലത്ത് മതേതരത്വത്തിനാണ് ഊന്നൽ' ബലിയുമായി ബന്ധപ്പെട്ട് ആഭ്യന്തര മന്ത്രി പുറത്തിറക്കിയ ഔദ്യോഗിക പ്രസ്താവനയിൽ പറയുന്നു.