ഒഡിഷ ട്രെയിൻ അപകടം: അട്ടിമറിയില്ലെന്ന് റെയിൽവേ അന്വേഷണ റിപ്പോർട്ട്‌; കാരണം ജീവനക്കാരുടെ അശ്രദ്ധ

ഒഡീഷയിലെ ബാലേശ്വറില്‍ നടന്ന ട്രെയിൻ അപകടത്തിൽ അട്ടിമറിയില്ലെന്ന് റെയിൽവേയുടെ അന്വേഷണ റിപ്പോർട്ട്‌. സംഭവത്തിൽ അട്ടിമറി ഉണ്ടായിരിക്കാൻ സാധ്യതയുണ്ടെന്ന് റെയിൽവേ മന്ത്രി അശ്വിനി വൈഷ്ണവ് മുൻപ് ചൂണ്ടിക്കാണിച്ചിരുന്നു. എന്നാൽ അതിനെ പാടെ തള്ളിക്കളയുന്ന റിപ്പോർട്ടാണ് കമ്മീഷണർ ഓഫ് റെയിൽവേ സേഫ്റ്റി (Commissioner of Railway Safety (CRS)) സമർപ്പിച്ചിരിക്കുന്നത്. ചില ജീവനക്കാരുടെ വീഴ്ചകളാണ് അപകടത്തിന് കാരണം എന്നാണ് റിപ്പോർട്ടിൽ പറഞ്ഞിരിക്കുന്നത്. ഇക്കഴിഞ്ഞ ജൂൺ രണ്ടിനാണ് മൂന്നൂറോളം ആളുകളുടെ മരണത്തിനിടയാക്കിയ ട്രെയിനപകടം നടന്നത്. സംഭവത്തിൽ ആയിരത്തിലധികം പേർക്ക് പരിക്കേറ്റിരുന്നു.