ആണവായുധ നയം: രാജ്നാഥ് സിംഗിന്റെ പ്രസ്താവന നിരുത്തരവാദിത്തപരമെന്ന് പാക് വിദേശകാര്യമന്ത്രി

ഇസ്ലാമാബാദ്: ഇന്ത്യൻ പ്രതിരോധ മന്ത്രി രാജ്നാഥ് സിംഗിനെതിരെ രൂക്ഷ വിമർശനങ്ങളുമായി പാക് വിദേശകാര്യ മന്ത്രി ഷാ മഹ്മൂദ് ഖുറേഷി. ആണാവായുധ നയവുമായി ബന്ധപ്പെട്ട് സിംഗ് നടത്തിയ ചില പരാമർശങ്ങൾക്കെതിരെയാണ് ഖുറേഷി രംഗത്തെത്തിയിരിക്കുന്നത്. രാജ്നാഥ് സിംഗിന്റെ പ്രസ്താവനകൾ നിരുത്തരവാദിത്തപരവും ദൗർഭാഗ്യകരവുമാണ്. ഇത് അദ്ദേഹത്തിന്റെ അറിവില്ലായ്മയാണ് കാണിക്കുന്നതെന്നായിരുന്നു പാക് വിദേശകാര്യ മന്ത്രിയുടെ വിമർശനം.