താജ്‍മഹൽ കാണാൻ പോയപ്പോൾ ഉടമ കാറിനകത്തടച്ചിട്ട വളർത്തുനായ ശ്വാസം മുട്ടി ചത്തു

Last Updated:

ഹരിയാനക്കാരനായ ഉടമ ആ​ഗ്രയിൽ താജ് മഹൽ സന്ദർശനത്തിന് ചെന്നപ്പോഴാണ് മണിക്കൂറുകളോളം നായയെ കാറിൽ അടച്ചിട്ടത്

പ്രതീകാത്മക ചിത്രം
പ്രതീകാത്മക ചിത്രം
താജ്‍മഹൽ കാണാൻ പോയപ്പോൾ ഉടമ കാറിനകത്തടച്ചിട്ട വളർത്തുനായ ശ്വാസം മുട്ടി ചത്തു.  ഞായറാഴ്ചയാണ് വളർത്തുനായയ്ക്ക് തന്റെ ജീവൻ നഷ്ടപ്പെട്ടത്. ഹരിയാനക്കാരനായ ഉടമ ആ​ഗ്രയിൽ താജ് മഹൽ സന്ദർശനത്തിന് ചെന്നപ്പോഴാണ് മണിക്കൂറുകളോളം നായയെ കാറിൽ അടച്ചിട്ടത്. ചൂടും വായുസഞ്ചാരക്കുറവും വെള്ളമില്ലാത്തത് കൊണ്ടുമാണ് വളർത്തുനായ ചത്തത്.
അതുവഴി കടന്നു പോയ ഒരാൾ സംഭവത്തിന്റെ വീഡിയോ പകർത്തി. ആ വീഡിയോയും ഇപ്പോൾ സാമൂഹ്യ മാധ്യമങ്ങളിൽ പ്രചരിക്കുന്നുണ്ട്. ആ വീഡിയോയിൽ ഹരിയാന രജിസ്ട്രേഷനിലുള്ള കാറിൽ നായയെ ചലനമറ്റ രീതിയിൽ കാണാം. താജ്മഹലിന്റെ വെസ്റ്റ് ഗേറ്റ് പാർക്കിംഗ് മാനേജരാണ് സംഭവം പൊലീസിനെ അറിയിക്കുന്നത്. ആഗ്രയിലെ താജ്ഗഞ്ച് പൊലീസ് സ്റ്റേഷനിൽ നിന്നുള്ള പൊലീസ് സംഘം പിന്നാലെ സ്ഥലത്തെത്തി. നായയുടെ ഉടമകൾക്കെതിരെ നടപടി സ്വീകരിച്ചു.
advertisement
“നായയുടെ ഉടമയായ അജയ് കുമാറിനെതിരെ എഫ്‌ഐആർ രജിസ്റ്റർ ചെയ്യുകയും കാർ കസ്റ്റഡിയിൽ എടുക്കുകയും ചെയ്തിട്ടുണ്ട്” എന്നാണ്. മൃഗങ്ങളോടുള്ള ക്രൂരത തടയുന്നതുമായി ബന്ധപ്പെട്ട നിയമത്തിലെ പ്രസക്തമായ വകുപ്പുകൾ പ്രകാരമാണ് ഇയാൾക്കെതിരെ കേസെടുത്തിരിക്കുന്നത്. അതുപോലെ തന്നെ ജീവൻ നഷ്ടപ്പെട്ട നായയുടെ ജഡം പോസ്റ്റുമോർട്ടത്തിന് അയച്ചിട്ടുണ്ട്. അതിന്റെ റിപ്പോർട്ട് വന്നാൽ മരണകാരണം എന്തായിരിക്കും എന്ന് വ്യക്തമാവും എന്നും ഡെപ്യൂട്ടി പൊലീസ് കമ്മീഷണർ പറഞ്ഞു.
മലയാളം വാർത്തകൾ/ വാർത്ത/India/
താജ്‍മഹൽ കാണാൻ പോയപ്പോൾ ഉടമ കാറിനകത്തടച്ചിട്ട വളർത്തുനായ ശ്വാസം മുട്ടി ചത്തു
Next Article
advertisement
അമീബിക് മസ്തിഷ്ക ജ്വരം ബാധിച്ച് ചിറയിൻകീഴ് സ്വദേശിനി മരിച്ചു; ഈ വർഷം ഇതുവരെ മരിച്ചത് 31 പേർ
അമീബിക് മസ്തിഷ്ക ജ്വരം ബാധിച്ച് ചിറയിൻകീഴ് സ്വദേശിനി മരിച്ചു; ഈ വർഷം ഇതുവരെ മരിച്ചത് 31 പേർ
  • ചിറയിൻകീഴ് സ്വദേശിനി വസന്ത (77) അമീബിക് മസ്തിഷ്ക ജ്വരം ബാധിച്ച് മരണമടഞ്ഞു.

  • ഈ വർഷം അമീബിക് മസ്തിഷ്ക ജ്വരം ബാധിച്ച് സംസ്ഥാനത്ത് 31 പേർ മരണമടഞ്ഞു.

  • വസന്ത ചികിത്സയിലായിരുന്ന തിരുവനന്തപുരം മെഡിക്കൽ കോളേജ് ആശുപത്രിയിൽ മരണമടഞ്ഞു.

View All
advertisement