HOME » NEWS » India » PM MODI CONGRATULATES MAMATA BANERJEE ON TMC WIN

West Bengal Assembly Election 2021 | ഇത് ബംഗാളിന്റെ കടുവ; BJPയെ തോൽപിച്ചെങ്കിലും നന്ദിഗ്രാമിൽ തോൽവിയറിഞ്ഞ് മമത

അധികാരം പിടിച്ചെടുക്കുമെന്ന വെല്ലുവിളിയുമായി ബി ജെ പിയും വിട്ടു കൊടുക്കില്ലെന്ന ദൃഢനിശ്ചയവുമായി മമതയുടെ തൃണമൂലും കളം നിറഞ്ഞതോടെ ബംഗാളിലെ തെരഞ്ഞെടുപ്പ് രാജ്യശ്രദ്ധ ആകർഷിച്ചു.

News18 Malayalam | news18
Updated: May 2, 2021, 8:18 PM IST
West Bengal Assembly Election 2021 | ഇത് ബംഗാളിന്റെ കടുവ; BJPയെ തോൽപിച്ചെങ്കിലും നന്ദിഗ്രാമിൽ   തോൽവിയറിഞ്ഞ് മമത
Mamata Banerjee
  • News18
  • Last Updated: May 2, 2021, 8:18 PM IST
  • Share this:
കൊൽക്കത്ത: ചരിത്രവിജയമാണ് പശ്ചിമ ബംഗാളിൽ മമത ബാനർജിയുടെ തൃണമൂൽ കോൺഗ്രസ് നേടിയെടുത്തത്. എന്നാൽ, സുവേന്ദു അധികാരിയുടെ വെല്ലുവിളി ഏറ്റെടുത്ത് നന്ദിഗ്രാമിൽ മത്സരിക്കാൻ എത്തിയ മമത ബാനർജി പരാജയത്തിന്റെ രുചിയറിഞ്ഞു. ആകെയുള്ള 294 സീറ്റിൽ 156 സീറ്റുകളിൽ മമത ബാനർജിയുടെ തൃണമൂൽ കോൺഗ്രസ് വിജയിച്ചു.

ആകെ 216 സീറ്റുകളിലാണ് തൃണമൂൽ കോൺഗ്രസ് ഇപ്പോൾ മുന്നേറുന്നത്. നന്ദിഗ്രാമിൽ തോറ്റെങ്കിലും താൻ മുഖ്യമന്ത്രിയായി സത്യപ്രതിജ്ഞ ചെയ്യുമെന്ന്  മമത ബാനർജി വ്യക്തമാക്കി. അദ്ദേഹം ബി ജെ പി 71 മണ്ഡലങ്ങളിലാണ് ലീഡ് ചെയ്യുന്നത്. 45 സീറ്റുകളിൽ വിജയിച്ചിട്ടുണ്ട്. തന്റെ സിറ്റിംഗ് സീറ്റ് ആയ ഭബാനിപുർ

ഉപേക്ഷിച്ചാണ് മമത ബാനർജി സുവേന്ദു അധികാരിയുടെ വെല്ലുവിളി ഏറ്റെടുത്ത് നന്ദിഗ്രാമിൽ എത്തിയത്.

TamilNadu Assembly Election 2021 | 'നമ്മൾ ഒരുമിച്ച് നിൽക്കണം': സ്റ്റാലിന് അഭിനന്ദനവുമായി ശശി തരൂർ

തൃണമൂൽ കോൺഗ്രസിൽ നിന്ന് ഒരു വർഷം മുമ്പ് ആയിരുന്നു സുവേന്ദു അധികാരി ബി ജെ പിയിലേക്ക് പോയത്. ഏതായാലും വെല്ലുവിളി ഏറ്റെടുത്ത് മമത നന്ദിഗ്രാമിൽ മത്സരിക്കാൻ എത്തിയെങ്കിലും മാറിമറിഞ്ഞ ലീഡുകൾക്ക് ഒടുവിൽ പരാജയപ്പെടുകയായിരുന്നു.

COVID 19 | സംസ്ഥാനത്ത് ഇന്ന് 31,959 പേര്‍ക്ക് കോവിഡ്-19 സ്ഥിരീകരിച്ചു

പശ്ചിമ ബംഗാളിൽ എട്ടു ഘട്ടമായിട്ട് ആയിരുന്നു ഇത്തവണ തെരഞ്ഞെടുപ്പ് നടന്നത്. അധികാരം പിടിച്ചെടുക്കുമെന്ന വെല്ലുവിളിയുമായി ബി ജെ പിയും വിട്ടു കൊടുക്കില്ലെന്ന ദൃഢനിശ്ചയവുമായി മമതയുടെ തൃണമൂലും കളം നിറഞ്ഞതോടെ ബംഗാളിലെ തെരഞ്ഞെടുപ്പ് രാജ്യശ്രദ്ധ ആകർഷിച്ചു. തെരഞ്ഞെടുപ്പ് ഫലം വന്നപ്പോൾ ദീദിയെ ബംഗാൾ കൈവിട്ടില്ല.

Kerala Assembly Election 2021 | ഈ പരാജയം പ്രതീക്ഷിച്ചില്ല; ജനവിധി മാനിക്കുന്നു: രമേശ് ചെന്നിത്തല

ശിവസേന നേതാവായ സഞ്ജയ് റാവത്ത് 'ബംഗാൾ കടുവ' എന്നാണ് മമത ബാനർജിയെ വിശേഷിപ്പിച്ചത്. രാഹുൽ ഗാന്ധി, ശശി തരൂർ, അഖിലേഷ് യാദവ് തുടങ്ങി നിരവധി ദേശീയ നേതാക്കളാണ് മമത ബാനർജിക്ക് അഭിനന്ദനവുമായി എത്തിയത്.

അതേസമയം, മമത ബാനർജിയെ അഭിനന്ദിച്ച പ്രധാനമന്ത്രി നരേന്ദ്ര മോദി പശ്ചിമബംഗാളിൽ ബി ജെ പിയുടെ ഒപ്പം നിന്നവർക്ക് നന്ദി അറിയിക്കുകയും ചെയ്തു. 'ഞങ്ങളുടെ പാർട്ടിയെ അനുഗ്രഹിച്ച പശ്ചിമ ബംഗാളിലെ എന്റെ സഹോദരിമാർക്കും സഹോദരങ്ങൾക്കും ഞാൻ നന്ദി പറയുന്നു. നേരത്തെയുള്ള നിസ്സാര സാന്നിധ്യത്തിൽ നിന്ന്, ബിജെപിയുടെ സാന്നിധ്യം ഗണ്യമായി വർദ്ധിച്ചു. ബിജെപി ജനങ്ങളെ സേവിച്ചുകൊണ്ടിരിക്കും. ഓരോ കാര്യകർത്തയും വോട്ടെടുപ്പിൽ നടത്തിയ ഉത്സാഹത്തിന് അഭിനന്ദനം അർഹിക്കുന്നു' - പ്രധാനമന്ത്രി ട്വിറ്ററിൽ കുറിച്ചു.
Published by: Joys Joy
First published: May 2, 2021, 8:18 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories