'ചരിത്രപരമായ നേട്ടത്തിൽ ഭാരതം അഭിമാനിക്കുന്നു'; പായൽ കപാഡിയയെ അഭിനന്ദിച്ച് പ്രധാനമന്ത്രി നരേന്ദ്ര മോദി

77-ാമത് കാൻ ഫിലിം ഫെസ്റ്റിവലിൽ ചരിത്രനേട്ടം സ്വന്തമാക്കി ഇന്ത്യൻ സിനിമയുടെ അഭിമാനമായി മറിയിരിക്കുകയാണ് ‘ഓൾ വി ഇമാജിൻ ആസ് ലൈറ്റ്’ എന്ന സിനിമയും അതിലെ അണിയറ പ്രവർത്തകരും. പായൽ കപാഡിയാണ് ചിത്രത്തിന്റെ സംവിധാനം. ചലച്ചിത്രമേളയിൽ രണ്ടാമത്തെ മികച്ച ചിത്രത്തിനുള്ള പുരസ്‌കാരമായ ഗ്രാൻ പ്രി അവാർഡാണ് ചിത്രം സ്വന്തമാക്കിയിരിക്കുന്നത്. ആദ്യമായാണ് ഒരു ഇന്ത്യൻ വനിതയുടെ ചിത്രം കാൻ ഫിലിം ഫെസ്റ്റിവലിൽ മത്സരിക്കുന്നത്. ഇതോടെ നിരവധി പേരാണ് ചിത്രത്തെയും താരങ്ങളെയും അഭിനന്ദിച്ചെത്തുന്നത്. ഇപ്പോഴിതാ പായൽ കപാഡിയയെ അഭിനന്ദിച്ച് പ്രധാനമന്ത്രി നരേന്ദ്രമോദി രംഗത്ത്. പായൽ കപാഡിയ ഭാരതത്തിന്റെ അഭിമാനമാണെന്നും ചലച്ചിത്ര മേഖലയിലുള്ളവർക്ക് പ്രചോദനമാണെന്നും പ്രധാനമന്ത്രി പ്രശംസിച്ചു. സമൂഹ മാധ്യമത്തിലൂടെയാണ് പ്രധാനമന്ത്രി അഭിനന്ദനം അറിയിച്ചത്.