PM Modi interview: പ്രതികൂല സാഹചര്യത്തിലും ഇന്ത്യയുടെ പണപ്പെരുപ്പം ലോകശരാശരിയേക്കാള്‍ കുറവ്: പ്രധാനമന്ത്രി നരേന്ദ്ര മോദി

”ഇന്ത്യയെ സംബന്ധിച്ചിടത്തോളം, പണപ്പെരുപ്പം നിയന്ത്രിക്കാന്‍ നമ്മള്‍ നിരവധി നടപടികള്‍ സ്വീകരിച്ചിട്ടുണ്ട്. പ്രതികൂല സാഹചര്യങ്ങള്‍ക്കിടയിലും ആഗോളതലത്തില്‍ നിലനില്‍ക്കുന്ന വെല്ലുവിളികള്‍ക്കിടയിലും 2022ലെ ഇന്ത്യയുടെ പണപ്പെരുപ്പ നിരക്ക് ലോകശരാശരിയേക്കാള്‍ രണ്ട് ശതമാനം കുറവാണ്. ഇങ്ങനെയൊക്കെയാണെങ്കിലും ഞങ്ങള്‍ വിശ്രമിക്കുന്നില്ല, ഇവിടുത്തെ ആളുകളുടെ ജീവിത സാഹചര്യം മെച്ചപ്പെടുത്തുന്നതിനായി ജനപക്ഷ തീരുമാനങ്ങള്‍ എടുക്കുന്നത് തുടരുകയാണ്. ഉദാഹരണത്തിന്, രക്ഷാബന്ധനോട് അനുബന്ധിച്ച് എല്ലാ ഉപഭോക്താക്കും വേണ്ടി എല്‍പിജി വില ഞങ്ങള്‍ കുറച്ചു”, പ്രധാനമന്ത്രി പറഞ്ഞു.

ജൂലൈ മാസത്തില്‍ രാജ്യത്തിന്റെ ചില്ലറവ്യാപാരമേഖലയിലെ പണപ്പെരുപ്പ നിരക്ക് ആര്‍ബിഐ കണക്കുകൂട്ടിയിരുന്ന രണ്ട് മുതല്‍ ആറ് ശതമാനമെന്ന പരിധി കടന്ന് 15 മാസത്തെ ഏറ്റവും ഉയര്‍ന്ന നിരക്കായ 7.44 ശതമാനത്തിലെത്തി. ഇത് പച്ചക്കറി വില വന്‍തോതില്‍ വര്‍ധിക്കാന്‍ കാരണമായി.

ഭക്ഷ്യവസ്തുക്കളുടെ വിലക്കയറ്റം താത്കാലികമാണെന്ന് പ്രതീക്ഷിക്കുന്നതായി ഓഗസ്റ്റില്‍ കേന്ദ്ര ധനമന്ത്രാലയത്തിന്റെ പ്രതിമാസ റിപ്പോര്‍ട്ടില്‍ പറഞ്ഞിരുന്നു. അതേസമയം, ഉയര്‍ന്ന പണപ്പെരുപ്പ സമ്മര്‍ദം നേരിടുന്നത് സര്‍ക്കാരും ആര്‍ബിഐയും ജാഗ്രത വര്‍ധിപ്പിക്കേണ്ടതുണ്ട്. ആഭ്യന്തര ഉപഭോഗവും നിക്ഷേപ ആവശ്യകതയും വളര്‍ച്ചയെ മുന്നോട്ട് നയിക്കുമെന്ന് പ്രതീക്ഷിക്കുന്നുണ്ടെങ്കിലും, ആഗോളതലത്തിലും പ്രാദേശിക തലത്തിലും തുടരുന്ന അനിശ്ചിതത്വങ്ങളും ആഭ്യന്തര തടസ്സങ്ങളും വരും മാസങ്ങളിലും പണപ്പെരുപ്പ സമ്മര്‍ദം ഉയര്‍ത്താന്‍ സാധ്യതയുണ്ടെന്ന് ധനമന്ത്രാലയത്തിന്റെ റിപ്പോര്‍ട്ടില്‍ വ്യക്തമാക്കുന്നു. അതിനാല്‍, സര്‍ക്കാരും ആര്‍ബിഐയും കൂടുതല്‍ ജാഗ്രത പുലര്‍ത്തണമെന്നും റിപ്പോര്‍ട്ടില്‍ പറയുന്നു.