BREAKING: സൗദി കിരീടാവകാശി ഇന്ത്യയിലെത്തി; പ്രധാനമന്ത്രി മോദി വിമാനത്താവളത്തിലെത്തി സ്വീകരിച്ചു

ഇന്ത്യയുമായി ചർച്ചകൾക്ക് സന്നദ്ധനായ പാക് പ്രധാനമന്ത്രി ഇമ്രാൻ ഖാന്റെ നിലപാടിനെ പാകിസ്താൻ സന്ദർശിച്ച  സൗദി കിരീടാവകാശി  പ്രശംസിച്ചിരുന്നു. പാകിസ്താൻ വൻ സാമ്പത്തിക ശക്തിയായി വളരുന്നതിന് എല്ലാ സഹായവും അദ്ദേഹം വാഗ്ദാനം ചെയ്തു. സൗദി അറേബ്യയെപ്പോലെ ഭീകര വിരുദ്ധ പോരാട്ടത്തിലേർപ്പെടുന രാജ്യമാണ് പാകിസ്താനെന്നും ബിൻ സൽമാൻ പറഞ്ഞിരുന്നു. പുൽവാമ ആക്രമണത്തിന്റെ പശ്ചാത്തലത്തിൽ മേഖലയിലെ സമാധാന അന്തരീക്ഷത്തിന് തുരങ്കം വയ്ക്കുന്ന പാക് നിലപാടിനെ കുറിച്ച് സൗദി കിരീടാവകാശി ഇന്ത്യാ സന്ദർശനത്തിനിടെ എന്തു പറയുമെന്ന ആകാംഷയിലാണ് ഡൽഹി.