പൊറോട്ട ആരാധകർ ആശ്വസിക്കൂ; റസ്റ്റോറന്റിൽ പോയി കഴിക്കുന്ന പൊറോട്ടയ്ക്ക് 18ശതമാനം ജിഎസ്ടി ഇല്ല

പൊറോട്ടയ്ക്ക് ഉയർന്ന ജി.എസ്.ടി ഏർപ്പെടുത്താനുള്ള തീരുമാനത്തിനെതിരെ സമൂഹത്തിന്റെ വിവിധ ഭാഗങ്ങളിൽ നിന്ന് പ്രതിഷേധം ഉയർന്നു കഴിഞ്ഞു. അതേസമയം, ഇത് സംബന്ധിച്ച് പുറത്തുവന്ന റിപ്പോർട്ടുകൾ പലപ്പോഴും യുക്തരഹിതമാണെന്ന് തോന്നിച്ചു. പൊറോട്ടയ്ക്ക് അധിക ജി.എസ്.ടി ഏർപ്പെടുത്താനുള്ള തീരുമാനമാണോ വിചിത്രം അതോ അത് റിപ്പോർട്ട് ചെയ്ത രീതിയാണോ വിചിത്രം? ഒന്ന് നോക്കാം.

ഫ്രോസൻ പൊറോട്ട പ്രിസർവ്ഡ് ആണ്. ഒപ്പം, സീൽ ചെയ്തതും പായ്ക്ക് ചെയ്തതും ബ്രാൻഡ് ചെയ്തതുമാണ്. അതുകൊണ്ട് തന്നെ ഇത് ഉയർന്ന നിരക്കിൽ വിൽക്കാവുന്നതാണ്. ഇത് ഒരു മുഖ്യാഹാരം അല്ല. അതുകൊണ്ട് തന്നെ ടാക്സ് നൽകാൻ പറ്റുന്നവർ മാത്രമായിരിക്കും ഇത് വാങ്ങുക. ബിസ്കറ്റ്, പേസ്ട്രി, കേക്കുകൾ എന്നിവയ്ക്ക് പോലും 18 ശതമാനം ജി എസ് ടി ഉണ്ട്. ശീതീകരിച്ച പൊറോട്ടകൾ സാധാരണ റൊട്ടിയുമായോ റസ്റ്റോറന്റിൽ വിളമ്പുന്ന പൊറോട്ടയുമായോ താരതമ്യം ചെയ്യാൻ കഴിയില്ല.