പശ്ചിമേഷ്യയിലെ സംഘർഷത്തിൽ അപലപിച്ച് പ്രധാനമന്ത്രി, നേതാക്കളുമായി ചർച്ച നടത്തി

നേതാക്കളുമായി നടത്തിയ പ്രത്യേക ടെലിഫോൺ സംഭാഷണത്തിൽ മേഖലയിലെ സമാധാനം സുരക്ഷ എന്നിവ പുനഃസ്ഥാപിക്കുന്നതിനെ കുറിച്ച് മോദി വിശദമായി സംസാരിച്ചു. ഹോർമുസ് കടലിടുക്കിലൂടെയുള്ള രാജ്യങ്ങളുടെ സുരക്ഷിതവും സ്വതന്ത്ര്യവുമായ സ‍ഞ്ചാരത്തെ കുറിച്ച് അദ്ദേഹം പരാമർശിച്ചു.

ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയുമായി സംസാരിച്ചെന്നും അദ്ദേഹത്തിനും ഖത്തർ ജനതയ്ക്കും ഈദ് ആശംസകൾ അറിയിച്ചെന്നും പ്രധാനമന്ത്രി എക്സിൽ കുറിച്ചു. ഖത്തറിനോടുള്ള ഇന്ത്യയുടെ ഐക്യദാർഢ്യം അദ്ദേഹം ആവർത്തിച്ചു. ഇന്ത്യൻ സമൂഹത്തിന് നൽകുന്ന സുരക്ഷയ്ക്കും പിന്തുണയ്ക്കും നന്ദി രേഖപ്പെടുത്തുകയും മേഖലയിൽ സമാധാനവും സ്ഥിരതയും നിലനിൽക്കുമെന്ന് പ്രതീക്ഷിക്കുന്നെന്നും മോദി കുറിച്ചു.

ഒമാനിലെ സുൽത്താൻ ഹൈതം ബിൻ താരിഖുമായും പ്രധാനമന്ത്രി സംസാരിച്ചു. സമാധാനം പുനഃസ്ഥാപിക്കുന്നതിന് ചർ‌ച്ചകൾക്കും നയതന്ത്രത്തിനും പ്രധാന പങ്കുണ്ടെന്നും പ്രധാനമന്ത്രി ഓർമിപ്പിച്ചു.