പുതുപ്പള്ളിയിൽ മാത്രമല്ല, ഉപതെരഞ്ഞെടുപ്പ് നടക്കുന്ന അഞ്ചിടത്ത് മത്സരിക്കുന്നത് മരിച്ചുപോയ ജനപ്രതിനിധിയുടെ ഉറ്റബന്ധുക്കൾ

പുതുപ്പള്ളിയിൽ മാത്രമല്ല, ഇന്ന് ഉപതെരഞ്ഞെടുപ്പ് നടക്കുന്ന അഞ്ച് സംസ്ഥാനങ്ങളിലെ ഏഴ് മണ്ഡലങ്ങളിൽ അഞ്ചിടത്തും മത്സരിക്കുന്നത് ഉപതെരഞ്ഞെടുപ്പിന് ഇടയാക്കി, മരിച്ചുപോവുകയോ രാജിവെക്കുകയോ ചെയ്ത ജനപ്രതിനിധികളുടെ ഉറ്റബന്ധുക്കൾ. തെരഞ്ഞെടുപ്പിൽ ഉറ്റബന്ധുക്കളെ മത്സരിപ്പിക്കുന്നതിനെയും കുടുംബ രാഷ്ട്രീയത്തെയും എതിർക്കുന്നുവെന്ന് അവകാശപ്പെടുന്ന രാഷ്ട്രീയ കക്ഷികളും ഇക്കൂട്ടത്തിലുണ്ടെന്നാണ് കൗതുകകരം. ഒരു ജനപ്രതിനിധി മരിച്ചാൽ, പിൻഗാമിയായി അദ്ദേഹത്തിന്റെ മകനോ, മകളോ, ഭാര്യയോ, സഹോദരനോ ഒക്കെ മത്സരിക്കുന്നത് ഇന്ത്യൻ രാഷ്ട്രീയത്തിലെ പതിവ് കാഴ്ചയാണ്.