Girl Missing | കണ്ണ് തെറ്റിയപ്പോൾ കൺമണിയെ കാണാതായി; ആൾക്കൂട്ടത്തിനിടയിൽപെട്ട പെൺകുട്ടിയെ മണിക്കൂറുകൾക്കുള്ളിൽ കണ്ടെത്തി പൊലീസ്

കുട്ടികളെ കാണാതെ പോകുന്നത് ഇന്ത്യയുടെ തലസ്ഥാനത്ത് ഒരു പ്രധാന സംഭവമാണ്. അതുകൊണ്ട് തന്നെ മാതാപിതാക്കൾ വളരെ ശ്രദ്ധയോടെയാണ് കുട്ടികളുമായി ഡൽഹിയിൽ (Delhi) പുറത്തിറങ്ങുന്നത്. ജനത്തിരക്ക് കൂടുതലുള്ള സ്ഥലമായതിനാലും മനുഷ്യക്കടത്ത് (Human Trafficking ) സംബന്ധിച്ച ആശങ്കകൾ വ്യാപകമായതിനാലും കുട്ടികൾക്ക് തലസ്ഥാനത്ത് പൂർണ്ണ സുരക്ഷ ലഭ്യമാക്കേണ്ടത് അനിവാര്യമാണ്. അടുത്തിടെ ഉത്തർപ്രദേശിൽ നിന്നുള്ള ഒരു ദമ്പതികളുടെ മകളെ ഡൽഹിയിലെ ചാന്ദ്നി ചൗക്ക് മാർക്കറ്റിൽ വെച്ച് കാണാതായി. പിന്നീട് പോലീസിന്റെ സമയോചിതമായ ഇടപെടൽ മൂലം അവർക്ക് മകളെ തിരികെ ലഭിക്കുകയും ചെയ്തു. ഡൽഹിയിൽ ആൾക്കൂട്ടമുള്ള സ്ഥലങ്ങളിലേക്ക് പോകുമ്പോൾ കുട്ടികളെ ശ്രദ്ധിക്കേണ്ടതിന്റെ ആവശ്യകത എല്ലാവരെയും ബോധ്യപ്പെടുത്തുന്ന സംഭവമാണ് ഇത്.