രാജ്യത്തെ ഏറ്റവും വരുമാനം കുറഞ്ഞ എംഎൽഎ ബിജെപിയിൽ നിന്ന്; ആസ്തി 1,700 രൂപ

ഇന്ത്യയിലെ ഏറ്റവും വരുമാനം കുറഞ്ഞ എംഎൽഎ ബിജെപിയിൽ നിന്ന്. പശ്ചിമ ബംഗാളിൽ നിന്നുള്ള നിർമൽ കുമാർ ധാര എന്ന ബിജെപി എംഎൽഎയുടെ ആസ്തി 1700 രൂപ മാത്രമാണ്. ഈ ലിസ്റ്റിൽ, ഒഡീഷയിലെ മകരന്ദ മുദുലി എന്ന ഐഎൻഡി എംഎൽഎയാണ് നിർമൽ കുമാറിനു തൊട്ടുപിന്നിൽ. അസോസിയേഷൻ ഫോർ ഡെമോക്രാറ്റിക് റിപ്പോർട്ടിലാണ് പുതിയ കണക്കുകൾ ഉള്ളത്. 28 സംസ്ഥാന അസംബ്ലികളിൽ നിന്നും രണ്ട് കേന്ദ്ര ഭരണ പ്രദേശങ്ങളിൽ നിന്നുമുള്ള 4,001 സിറ്റിങ് എംഎൽഎമാരുടെ ആസ്തി വിശകലനം ചെയ്താണ് കണക്കെടുപ്പ് നടന്നത്. അതേസമയം, ഇന്ത്യയിലെ ഏറ്റവും ധനികനായ എംഎൽഎ കർണാടക ഉപമുഖ്യമന്ത്രി ഡി കെ ശിവകുമാർ ആണ്. 1,413 കോടി രൂപയാണ് അദ്ദേഹത്തിന്റെ ആസ്തി.