Waqf| വഖഫ് ബില്ലിന് സംയുക്ത പാർലമെന്ററി സമിതിയുടെ അംഗീകാരം; പ്രതിപക്ഷ ഭേദഗതികൾ വോട്ടിനിട്ട് തള്ളി
- Published by:Rajesh V
- news18-malayalam
Last Updated:
വോട്ടെടുപ്പില് പ്രതിപക്ഷ ഭേദഗതി നിര്ദേശങ്ങള്ക്ക് ഭൂരിപക്ഷം കിട്ടിയില്ലെന്നും ഇതേതുടര്ന്ന് നിര്ദേശങ്ങള് തള്ളിയതായും സമിതിക്ക് നേതൃത്വം നൽകുന്ന ബിജെപി അംഗം ജഗദംബിക പാല് പറഞ്ഞു
ന്യൂഡൽഹി: വഖഫ് ഭേദഗതി ബില്ലിന് സംയുക്ത പാർലമെന്ററി സമിതിയുടെ (ജെപിസി) അംഗീകാരം. കഴിഞ്ഞ ഓഗസ്റ്റില് പാര്ലമെന്റില് വെച്ച ബില്ലിന്മേല് 14 ഭേദഗതികളോടെയാണ് ജെപിസി അംഗീകാരം നല്കിയിട്ടുള്ളത്. അതേസമയം, പ്രതിപക്ഷം നിർദേശിച്ച ഭേദഗതികളെല്ലാം വോട്ടിനിട്ട് തള്ളി. 44 ഭേദഗതികളാണ് ആകെ നിർദേശിച്ചത്. 10 എംപിമാർ പ്രതിപക്ഷ ഭേദഗതികളെ പിന്തുണച്ചപ്പോൾ 16 പേർ എതിർത്തു. വോട്ടെടുപ്പില് പ്രതിപക്ഷ ഭേദഗതി നിര്ദേശങ്ങള്ക്ക് ഭൂരിപക്ഷം കിട്ടിയില്ലെന്നും ഇതേതുടര്ന്ന് നിര്ദേശങ്ങള് തള്ളിയതായും സമിതിക്ക് നേതൃത്വം നൽകുന്ന ബിജെപി അംഗം ജഗദംബിക പാല് പറഞ്ഞു.
വഖഫ് ബോര്ഡുകളുടെ ഭരണരീതിയില് നിരവധി മാറ്റങ്ങളാണ് വഖഫ് ഭേദഗതി ബില് നിര്ദേശിക്കുന്നത്. ഭേദഗതി ബില് പ്രകാരം അമുസ്ലിങ്ങളായ രണ്ടുപേരും വനിതാ അംഗങ്ങളും ഭരണസമിതിയില് ഇടം നേടും. വഖഫ് കൗണ്സിലിന് ഭൂമി അവകാശപ്പെടാന് കഴിയില്ല എന്നതടക്കം നിരവധി നിര്ദേശങ്ങളാണ് പുതിയ ബില്ലില് ഉള്പ്പെടുത്തിയിരിക്കുന്നത്.
NDA allies have submitted proposed amendments to the Waqf Amendment Bill in the Joint Parliamentary Committee (JPC) pic.twitter.com/ocblOC7UOp
— IANS (@ians_india) January 27, 2025
advertisement
ഭരണപക്ഷം നിര്ദേശിച്ച ഭേദഗതികള് ഉള്പ്പെടുത്തിയാകും റിപ്പോർട്ട് നൽകുക. നവംബര് 29നകം റിപ്പോര്ട്ട് സമര്പ്പിക്കാനാണ് ജെപിസിയോട് ആദ്യം ആവശ്യപ്പെട്ടിരുന്നത്. പിന്നീട് പാര്ലമെന്റിന്റെ ബജറ്റ് സമ്മേളനം അവസാനിക്കുന്ന ഫെബ്രുവരി 13 വരെയായി സമയപരിധി നീട്ടി നല്കുകയായിരുന്നു.
ഡല്ഹി നിയമസഭ തിരഞ്ഞെടുപ്പ് ലക്ഷ്യമിട്ട് വേഗത്തില് വഖഫ് ഭേദഗതി ബില് പാസാക്കാന് ശ്രമം നടക്കുകയാണെന്ന് ആരോപിച്ചു പ്രതിപക്ഷ എംപിമാര് കഴിഞ്ഞയാഴ്ച ലോക്സഭാ സ്പീക്കര് ഓം ബിര്ലയ്ക്ക് കത്തെഴുതിയിരുന്നു. ബില്ലിനെക്കുറിച്ച് പഠിക്കാന് വേണ്ടത്ര സമയം ലഭിച്ചില്ലെന്നും എംപിമാര് പറഞ്ഞിരുന്നു. സമിതി യോഗത്തില് ബഹളം വച്ചതിന് 10 പ്രതിപക്ഷ എംപിമാരെ ചെയര്മാന് ജഗദംബികാ പാല് സസ്പെന്ഡ് ചെയ്തിരുന്നു. കല്യാൺ ബാനർജി, കോൺഗ്രസ് അംഗങ്ങളായ നസീർ ഹുസൈൻ, മുഹമ്മദ് ജാവേദ്, ഡിഎംകെ അംഗം എ രാജ, എഐഎംഐഎം അംഗം അസദുദീൻ ഒവൈസി എന്നിവരടക്കമുള്ളവരാണ് സസ്പെൻഷനിലായത്.
advertisement
Summarey: The Joint Parliamentary Committee scrutinising the Waqf (Amendment) Bill cleared the bill on Monday, adopting all amendments proposed by the ruling BJP-led NDA members and negating every change moved by opposition members.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
January 27, 2025 3:22 PM IST
മലയാളം വാർത്തകൾ/ വാർത്ത/India/
Waqf| വഖഫ് ബില്ലിന് സംയുക്ത പാർലമെന്ററി സമിതിയുടെ അംഗീകാരം; പ്രതിപക്ഷ ഭേദഗതികൾ വോട്ടിനിട്ട് തള്ളി