ഇന്ത്യൻ ജനാധിപത്യത്തിന് അമേരിക്കയുടെ പ്രശംസ രാഹുൽ ​​ഗാന്ധിക്കേറ്റ തിരിച്ചടിയെന്ന് ബിജെപി

ഇന്ത്യൻ ജനാധിപത്യത്തെ പ്രശംസിച്ച് അമേരിക്ക. പിന്നാലെ രാഹുൽ ​ഗാന്ധിക്കെതിരെ ആഞ്ഞടിച്ച് ബിജെപിയും രം​ഗത്തെത്തി. ഇന്ത്യ ഊർജസ്വലമായ ഒരു ജനാധിപത്യ രാജ്യമാണെന്നും രാജ്യത്തെത്തുന്ന ആർക്കും അത് സ്വയം മനസിലാക്കാവുന്ന കാര്യമാണെന്നും ആയിരുന്നു അമേരിക്കയുടെ പരാമർശം. അമേരിക്കൻ സന്ദർശനത്തിനിടെ ഇന്ത്യയിലെ ജനാധിപത്യ സംവിധാനത്തിനെതിരെ വിമർശനങ്ങളുന്നയിക്കുന്ന രാഹുൽ ​ഗാന്ധിക്ക് ഇത് കനത്ത തിരിച്ചടിയാണെന്നാണ് ബിജെപിയുടെ പ്രതികരണം. ഇത് കോൺഗ്രസിന്റെ യുവരാജാവിനേറ്റ ശക്തമായ തിരിച്ചടിയാണെന്ന് ബിജെപി ദേശീയ വക്താവ് സയ്യിദ് സഫർ ഇസ്ലാം പറഞ്ഞു.