IPL 2020 | ഐപിഎൽ ഫൈനൽ കാണാൻ മോഹൻലാൽ ദുബായിൽ

ക്രിക്കറ്റ് സ്റ്റേഡിയത്തിലാണ് ഐ പി എൽ ഫൈനൽ മത്സരം നടക്കുന്നത്. ഫൈനൽ മത്സരത്തിൽ നാലു തവണ കിരീടം

നേടിയ മുംബൈ ഇന്ത്യൻസ് ഡൽഹി ക്യാപിറ്റൽസിനെ നേരിടും.

നാലുതവണ ഐ പി എല്‍ കിരീടം നേടിയ ഏറ്റവും ശക്തനായ ക്യാപ്റ്റൻ രോഹിത് ശർമ്മയും ഐ പി എല്ലിലെ ഏറ്റവും പ്രായം കുറഞ്ഞ ക്യാപ്റ്റൻ ശ്രേയസ് അയ്യറും തമ്മിലാണ് ഇന്നത്തെ പോരാട്ടം. ടീമിനെ ഫൈനലിൽ എത്തിക്കുന്ന ഏറ്റവും പ്രായം കുറഞ്ഞ ക്യാപ്റ്റനായി ശ്രേയസ് അയ്യർ ഇതോടെ മാറിയിരിക്കുകയാണ്. രോഹിത് ശർമ്മയുടെ റെക്കോഡ് ആണ് ശ്രേയസ് അയ്യർ സ്വന്തമാക്കിയത്.

2013ൽ നടന്ന ഫൈനലിൽ മുംബൈയെ നയിച്ചത് അന്നത്തെ പ്രായം കുറഞ്ഞ ക്യാപ്റ്റനായ രോഹിത് ആയിരുന്നു..

ടേബിൾ ടോപ്പേഴ്സായ ടീമുകൾ മൂന്ന് തവണ മാത്രമേ കിരീടം നേടിയിട്ടുള്ളു. അതിൽ രണ്ട് തവണയും കിരീടം നേടിയത് മുംബൈ ആയിരുന്നു.

ഈ സീസണിൽ മുംബൈക്ക് എതിരായി നടന്ന മത്സരങ്ങളിൽ മൂന്നുതവണയും ഡൽഹിക്ക് പരാജയം ഏറ്റുവാങ്ങേണ്ടി വന്നിരുന്നു. ഫൈനലിൽ എന്തായിരിക്കുമെന്ന് കാത്തിരുന്ന് കാണാം.