IPL 2021 KKR Vs PBKS| വിജയവഴിയിൽ തിരിച്ചെത്താൻ കൊൽക്കത്ത; ഇന്ന് പഞ്ചാബിനെതിരെ

ഐ പി എല്ലിൽ ഇന്ന് നടക്കുന്ന മത്സരത്തിൽ കെ എൽ രാഹുലിന്റെ പഞ്ചാബ് കിംഗ്സ് ഓയിൻ മോർഗന്റെ കൊൽക്കത്ത നൈറ്റ്‌ റൈഡേഴ്സിനെ നേരിടും. നാല് മത്സരങ്ങള്‍ തുടര്‍ച്ചയായി തോറ്റെത്തുന്ന കെ കെ ആറിനെ സംബന്ധിച്ച്‌ പഞ്ചാബിനെതിരായ മത്സരം ജയിച്ച് വിജയവഴിയിലേക്ക് എത്തിച്ചേരേണ്ടത് തികച്ചും അനിവാര്യമാണ്. കൊൽക്കത്ത ടീം ചരിത്രത്തിലെ തന്നെ ഏറ്റവും മോശം പ്രകടനമാണ് കാഴ്ചവെക്കുന്നത്. പോയിന്റ് ടേബിളില്‍ നിലവില്‍ അവസാന സ്ഥാനത്താണ് ടീമിപ്പോൾ. വമ്പനടിക്കാരുടെ വലിയ നിര തന്നെ ടീമിലുണ്ടെങ്കിലും പ്രതീക്ഷക്കൊത്ത് ഉയരാൻ ആർക്കും കഴിയുന്നില്ല. റസൽ, കാർത്തിക്ക്, കമ്മിൻസ് തുടങ്ങിയ മധ്യനിര ഒരു മത്സരത്തിലൊഴികെ എല്ലാത്തിലും പരാജയമായിരുന്നു.