IPL 2022 | അടിത്തറയിട്ട് റാണ (54); കത്തിക്കയറി റസൽ (49*); ഹൈദരാബാദിന് 176 റൺസ് വിജയലക്ഷ്യം

ഇതോടെ കൊൽക്കത്ത വീണ്ടും പ്രതിരോധത്തിലായി. എന്നാൽ ആറാം വിക്കറ്റിൽ ഒന്നിച്ച നിതീഷ് റാണ - ആന്ദ്രേ റസൽ സഖ്യം കൊൽക്കത്തയെ പതുക്കെ മത്സരത്തിലേക്ക് കൊണ്ടുവരികയായിരുന്നു. നിതീഷ് റാണ ഒരറ്റത്ത് നിലയുറപ്പിച്ച് കളിച്ച് ഇന്നിങ്‌സിന്റെ അടിത്തറയിട്ടപ്പോൾ മറുവശത്ത് റസൽ തുടക്കത്തിലെ പതർച്ച മറികടന്ന് തകർത്തടിക്കാൻ തുടങ്ങുകയായിരുന്നു. ഇതിനിടയിൽ നിതീഷ് റാണ തന്റെ അർധസെഞ്ചുറി നേട്ടം പൂർത്തിയാക്കി.എന്നാൽ അർധസെഞ്ചുറി തികച്ചതിന് പിന്നാലെ തന്നെ റാണയെ മടക്കി നടരാജൻ ഹൈദരാബാദിന് വീണ്ടും ബ്രേക്ക്ത്രൂ നൽകി. എന്നാൽ റസൽ നിർത്താൻ ഒരുക്കമായിരുന്നില്ല. മറുവശത്ത് വിക്കറ്റുകൾ വീണുകൊണ്ടിരുന്നെങ്കിലും താരം അടിതുടർന്നു. തകർത്തടിച്ച് മുന്നേറിയ താരത്തിന്റെ ബലത്തിൽ കൊൽക്കത്ത നടരാജൻ എറിഞ്ഞ അവസാന ഓവറിൽ നിന്നും 17 റൺസാണ് അടിച്ചെടുത്തത്.