IPL 2021| പരുക്കേറ്റ അയ്യർക്ക് പകരം റിഷഭ് പന്ത്; ക്യാപ്റ്റനെ പ്രഖ്യാപിച്ച് ഡൽഹി ക്യാപിറ്റൽസ്
ക്രിക്കറ്റിന്‍റെ ചെറിയ പതിപ്പിലെ ഏറ്റവും വലിയ പൂരത്തിലെ ഈ വലിയ ചുമതല താരം എങ്ങനെ സ്വീകരിക്കുന്നു എന്ന് കാണാൻ നമുക്ക് കാത്തിരിക്കാം.
Rishabh Pant
- News18 Malayalam
- Last Updated :
ഇന്ത്യ - ഇംഗ്ലണ്ട് മത്സരത്തിനിടെ പരുക്കേറ്റ ശ്രേയസ് അയ്യർക്ക് ഐ പി എല്‍ നഷ്ടമായ സ്ഥിതിക്ക് ഡൽഹി ക്യാപിറ്റൽസ് അവരുടെ പുതിയ ക്യാപ്റ്റനെ പ്രഖ്യാപിച്ചു. അയ്യരുടെ അഭാവത്തിൽ പതിനാലാം സീസണില്‍ ഡല്‍ഹി ക്യാപിറ്റൽസിനെ നയിക്കുക ഓസ്ട്രേലിയക്കും ഇംഗ്ലണ്ടിനുമെതിരെ തകര്‍പ്പന്‍ പ്രകടനം പുറത്തെടുത്ത യുവതാരം റിഷഭ് പന്താണ്.
ഇംഗ്ലണ്ടിനെതിരായ ഏകദിന പരമ്പരയിലെ ആദ്യ മത്സരത്തില്‍ ഫീല്‍ഡ് ചെയ്യുന്നതിനിടെ തോളിന് പരുക്കേറ്റ ശ്രേയസ് അയ്യരെ ശസ്ത്രക്രിയക്ക് വിധേയമാക്കണമെന്ന് ഡോക്ടര്‍മാര്‍ നിര്‍ദേശിച്ചിരുന്നു. ശസ്ത്രക്രിയക്ക് വിധേയനായാല്‍ അയ്യര്‍ക്ക് നാലു മാസമെങ്കിലും വിശ്രമം വേണ്ടിവരും. ഇതിനെത്തുടര്‍ന്നാണ് പുതിയ നായകനെ തിരഞ്ഞെടുക്കാന്‍ ഡല്‍ഹി നിര്‍ബന്ധിതരായത്. കഴിഞ്ഞ സീസണില്‍ അയ്യർക്ക് കീഴില്‍ ഡല്‍ഹി ഫൈനലില്‍ എത്തിയിരുന്നു.
പഞ്ചാബ് കിംഗ്സ് മുന്‍ നായകന്‍ ആര്‍ അശ്വിനും രാജസ്ഥാന്‍ റോയല്‍സ് മുൻ നായകൻ സ്റ്റീവ് സ്മിത്തും ഇന്ത്യയെ ഓസ്ട്രേലിയൻ ടെസ്റ്റ് പരമ്പര വിജയത്തിലേക്ക് നയിച്ച അജിങ്ക്യ രഹാനെയും ടീമിലുണ്ടെങ്കിലും യുവതാരത്തിൽ ടീം മാനേജ്മെന്‍റ് വിശ്വാസം അർപ്പിക്കുകയായിരുന്നു. ഇതാദ്യമായാണ് പന്ത് ഐ പി എല്‍ ടീമിന്‍റെ നായകസ്ഥാനത്ത് എത്തുന്നത്.
You May Also Like- I P L 2021 | ഐ.പി.എല്ലില്‍ കൊഹ്‌ലിയെ കാത്തിരിക്കുന്നത് മൂന്ന് റെക്കോർഡുകൾ
ഇതോടെ ഐ പി എല്ലിലെ വിക്കറ്റ് കീപ്പർമാരായ ക്യാപ്റ്റൻമാരുടെ എണ്ണം നാലായി. ചെന്നൈയുടെ ക്യാപ്റ്റനായ സാക്ഷാൽ മഹേന്ദ്ര സിംഗ് ധോണി പഞ്ചാബിന്‍റെ ക്യാപ്റ്റനായ കെ എൽ രാഹുൽ, ഇന്ത്യൻ ടീമിൽ ഇടം നേടാൻ പന്തിനൊപ്പം മത്സരിക്കുന്ന രാജസ്ഥാന്റെ മലയാളി താരം സഞ്ജൂ വി സാംസൺ എന്നിങ്ങനെ പോകുന്നു ആ നിര.
ക്രിക്കറ്റിന്‍റെ ചെറിയ പതിപ്പിലെ ഏറ്റവും വലിയ പൂരത്തിലെ ഈ വലിയ ചുമതല താരം എങ്ങനെ സ്വീകരിക്കുന്നു എന്ന് കാണാൻ നമുക്ക് കാത്തിരിക്കാം. പുതിയ ചുമതല താരത്തിന് വെല്ലുവിളിയാകുമോ അതോ താരം ഇത് നിഷ്പ്രയാസം കൈകാര്യം ചെയ്യുമോ എന്നത് ആരാധകരും ഉറ്റുനോക്കുകയാണ്.
Summary- Rishabh Pant to captain Delhi Capitals replacing the injured Shreyas Iyer
ഇംഗ്ലണ്ടിനെതിരായ ഏകദിന പരമ്പരയിലെ ആദ്യ മത്സരത്തില്‍ ഫീല്‍ഡ് ചെയ്യുന്നതിനിടെ തോളിന് പരുക്കേറ്റ ശ്രേയസ് അയ്യരെ ശസ്ത്രക്രിയക്ക് വിധേയമാക്കണമെന്ന് ഡോക്ടര്‍മാര്‍ നിര്‍ദേശിച്ചിരുന്നു. ശസ്ത്രക്രിയക്ക് വിധേയനായാല്‍ അയ്യര്‍ക്ക് നാലു മാസമെങ്കിലും വിശ്രമം വേണ്ടിവരും. ഇതിനെത്തുടര്‍ന്നാണ് പുതിയ നായകനെ തിരഞ്ഞെടുക്കാന്‍ ഡല്‍ഹി നിര്‍ബന്ധിതരായത്. കഴിഞ്ഞ സീസണില്‍ അയ്യർക്ക് കീഴില്‍ ഡല്‍ഹി ഫൈനലില്‍ എത്തിയിരുന്നു.
പഞ്ചാബ് കിംഗ്സ് മുന്‍ നായകന്‍ ആര്‍ അശ്വിനും രാജസ്ഥാന്‍ റോയല്‍സ് മുൻ നായകൻ സ്റ്റീവ് സ്മിത്തും ഇന്ത്യയെ ഓസ്ട്രേലിയൻ ടെസ്റ്റ് പരമ്പര വിജയത്തിലേക്ക് നയിച്ച അജിങ്ക്യ രഹാനെയും ടീമിലുണ്ടെങ്കിലും യുവതാരത്തിൽ ടീം മാനേജ്മെന്‍റ് വിശ്വാസം അർപ്പിക്കുകയായിരുന്നു. ഇതാദ്യമായാണ് പന്ത് ഐ പി എല്‍ ടീമിന്‍റെ നായകസ്ഥാനത്ത് എത്തുന്നത്.
You May Also Like- I P L 2021 | ഐ.പി.എല്ലില്‍ കൊഹ്‌ലിയെ കാത്തിരിക്കുന്നത് മൂന്ന് റെക്കോർഡുകൾ
ഇതോടെ ഐ പി എല്ലിലെ വിക്കറ്റ് കീപ്പർമാരായ ക്യാപ്റ്റൻമാരുടെ എണ്ണം നാലായി. ചെന്നൈയുടെ ക്യാപ്റ്റനായ സാക്ഷാൽ മഹേന്ദ്ര സിംഗ് ധോണി പഞ്ചാബിന്‍റെ ക്യാപ്റ്റനായ കെ എൽ രാഹുൽ, ഇന്ത്യൻ ടീമിൽ ഇടം നേടാൻ പന്തിനൊപ്പം മത്സരിക്കുന്ന രാജസ്ഥാന്റെ മലയാളി താരം സഞ്ജൂ വി സാംസൺ എന്നിങ്ങനെ പോകുന്നു ആ നിര.
ക്രിക്കറ്റിന്‍റെ ചെറിയ പതിപ്പിലെ ഏറ്റവും വലിയ പൂരത്തിലെ ഈ വലിയ ചുമതല താരം എങ്ങനെ സ്വീകരിക്കുന്നു എന്ന് കാണാൻ നമുക്ക് കാത്തിരിക്കാം. പുതിയ ചുമതല താരത്തിന് വെല്ലുവിളിയാകുമോ അതോ താരം ഇത് നിഷ്പ്രയാസം കൈകാര്യം ചെയ്യുമോ എന്നത് ആരാധകരും ഉറ്റുനോക്കുകയാണ്.
Summary- Rishabh Pant to captain Delhi Capitals replacing the injured Shreyas Iyer
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
