പുലർച്ചെ വീട്ടുകാരെ പൂട്ടിയിട്ട് കാറുമായി കറങ്ങാൻപോയ 14 കാരൻ അപകടത്തിൽപ്പെട്ടു; പിതാവിനെതിരെ കേസ്
- Published by:Rajesh V
- news18-malayalam
Last Updated:
സ്കൂൾ വിദ്യാർത്ഥിയായ 14 കാരൻ സുഹൃത്തിനൊപ്പമാണ് കറങ്ങാൻ ഇറങ്ങിയത്
തിരുവനന്തപുരം: പുലർച്ചെ 2.30ന് വീട്ടുകാരെ പൂട്ടിയിട്ട് കാറുമായി പുറത്തുപോയ 14 കാരൻ അപകടത്തിൽപ്പെട്ടു. തിരുവനന്തപുരം കരമനയിൽ ആയിരുന്നു അപകടം. സ്കൂൾ വിദ്യാർത്ഥിയായ 14 കാരൻ 16 വയസുള്ള സുഹൃത്തിനൊപ്പമാണ് കറങ്ങാൻ ഇറങ്ങിയത്. കുമാരപുരം സ്വദേശിയുടേതാണ് കാർ. വീട്ടുകാരെ പൂട്ടിയിട്ടാണ് അർധരാത്രി ചായ കുടിക്കാൻ ഇറങ്ങിയത്. കുട്ടികൾക്ക് കാര്യമായ പരിക്കില്ല. സംഭവത്തിൽ 14കാരന്റെ പിതാവിനെതിരെ കരമന പോലീസ് കേസെടുത്തു.
കരമന നന്തിലത്ത് ജി മാർട്ടിന് സമീപത്തുള്ള വളവില് വച്ച് കാർ താഴ്ചയിലേക്ക് വീഴുകയായിരുന്നു. സ്ഥിരം അപകടമേഖലയായ ഇവിടെ വീടിന്റെ കൈവരിയും തകർത്താണ് കാർ താഴേക്ക് തലകീഴായി പതിച്ചത്. അപകടത്തിൽ കാർ ഏറെക്കുറെ തകർന്ന നിലയിലായിരുന്നു. അപകടത്തിൽ വിദ്യാർത്ഥികൾക്ക് കാര്യമായ പരിക്കില്ലെങ്കിലും, ഇരുവരും പേടിച്ചുപോയി. പോലീസെത്തി ഇവരെ കരമന സ്റ്റേഷനിലേക്ക് കൊണ്ടുപോയി.
Summary: A midnight stunt by a 14-year-old school student ended in a road accident in Karamana, Thiruvananthapuram. The incident occurred around 2:30 AM when the minor decided to go out for tea with a friend. To ensure he wasn't caught, the teenager locked his family members inside the house before sneaking out with the car. The car reportedly belongs to a resident of Kumarapuram.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Feb 20, 2026 10:44 AM IST
മലയാളം വാർത്തകൾ/ വാർത്ത/Kerala/
പുലർച്ചെ വീട്ടുകാരെ പൂട്ടിയിട്ട് കാറുമായി കറങ്ങാൻപോയ 14 കാരൻ അപകടത്തിൽപ്പെട്ടു; പിതാവിനെതിരെ കേസ്
