പത്തനംതിട്ടയിലുമുണ്ട് പേരിനൊപ്പം 'മോഡി'യുള്ള പാർട്ടിക്കാരൻ; പ്രധാനമന്ത്രിയ്ക്കൊപ്പമല്ല, മുഖ്യമന്ത്രിയ്ക്കൊപ്പം‌

പത്തനംതിട്ട: രാഹുൽ ഗാന്ധിയുടെ അയോഗ്യതയും ‘മോദി’ പേരുവിവാദവും കത്തി നിൽക്കുന്ന ഈ സമയത്ത്, പത്തനംതിട്ടയിലെ യുവരാഷ്ട്രീയക്കാരനായ ‘മോഡി’ പേരുകാരനും ശ്രദ്ധയാകർഷിക്കുകയാണ്. മുഴുവൻ പേര് ജിജോ മോഡി. പത്തനംതിട്ട ജില്ലാ പഞ്ചായത്ത് അംഗമാണ്. പേരിലും താടിയിലും മോദി ടച്ച് ഉണ്ടെങ്കിലും ആശയപരമായി നരേന്ദ്ര മോദിയുടെ രാഷ്ട്രീയത്തോട് കടുത്ത വിയോജിപ്പുള്ള ജിജോ, ഇടതുപക്ഷത്താണ് നിലകൊള്ളുന്നത്. രാഹുൽ ഗാന്ധിയുടെ മോദി പ്രയോഗം വിവാദമായ പശ്ചാത്തലത്തിൽ കോൺഗ്രസുകാരുടെ നിലപാട് വ്യക്തമാക്കൽ പരിപാടികളിലും ഇപ്പോൾ ജിജോ മോഡിയാണ് താരം.