കോഴിക്കോട് നടപ്പാത: പ്രഭേച്ചിയുടെ സ്വാതന്ത്ര്യബോധവും പൗരബോധവും കേരളത്തിനൊന്നാകെ മാതൃക: അഭിവാദ്യങ്ങളുമായി ജോയ് മാത്യു

കോഴിക്കോട് എരഞ്ഞിപ്പാലത്ത് നടപ്പാതയിൽ സ്കൂട്ടറോടിച്ചയാളെ തടഞ്ഞ പ്രഭാവതിയമ്മയെ അഭിനന്ദിച്ച് നടൻ ജോയ് മാത്യു. പ്രഭേച്ചിയുടെ സ്വാതന്ത്ര്യബോധവും പൗരബോധവും കേരളത്തിനൊന്നാകെ മാതൃകയാണെന്ന് ജോയ് മാത്യു ഫേസ്ബുക്ക് പോസ്റ്റിൽ പറഞ്ഞു. തന്റെ ചെറുപ്പകാലത്ത് ആരെയും കൂസാതെ തിടുക്കപ്പെട്ട് പാർട്ടി പ്രവർത്തനത്തിന് പോയിരുന്ന പ്രഭാവതിയമ്മയെ പ്രഭേച്ചി എന്നാണ് നാട്ടുകാർ സ്നേഹ പൂർവം വിളിച്ചിരുന്നതെന്ന് ജോയ് മാത്യു കുറിച്ചു. പിന്നീട് പ്രഭാവതിയമ്മ രാഷ്ട്രീയ പ്രവർത്തനം അവസാനിപ്പിച്ചെങ്കിലും പോരാട്ടവീര്യവും പൗരബോധവും അവരെ വിട്ടുപോയില്ലെന്നും ജോയ് മാത്യു തന്റെ ഫേസ്ബുക്ക് കുറിപ്പിൽ പറഞ്ഞു.