കുട്ടികളുടെ സുരക്ഷിതത്വമാണ് പ്രധാനം; അധ്യാപകരെല്ലാം വാക്സിനെടുക്കണം; പ്രതിപക്ഷ നേതാവ് വി.ഡി.സതീശന്
- Published by:Karthika M
- news18-malayalam
Last Updated:
കുട്ടികളുടെ സുരക്ഷിതത്വം ഏറ്റവും പ്രധാനപ്പെട്ടതാണെന്നും പ്രതിപക്ഷ നേതാവ് പറഞ്ഞു
കാസര്ഗോട്: അധ്യാപകരെല്ലാം വാക്സിനെടുക്കണമെന്നതാണ് പ്രതിപക്ഷത്തിന്റെ നിലപാടെന്ന് പ്രതിപക്ഷ നേതാവ് വി.ഡി സതീശന് (Opposition Leader VD Satheeshan). കാസര്കോട് വച്ച് മാധ്യമങ്ങളോട് സംസാരിക്കുകയായിരുന്നു അദ്ദേഹം.
കുട്ടികളുടെ സുരക്ഷിതത്വം ഏറ്റവും പ്രധാനപ്പെട്ടതാണെന്നും പ്രതിപക്ഷ നേതാവ് പറഞ്ഞു. മതവിശ്വാസത്തിന്റേയോ മറ്റെന്തങ്കിലും കാരണത്താലോ വാക്സിന് എടുക്കാതിരിക്കുന്നതിനോട് യോജിക്കാനാകില്ലായെന്നും അദ്ദേഹം കൂട്ടിച്ചേര്ത്തു.
അതേ സമയം വാക്സിന് സ്വീകരിക്കാത്ത അധ്യാപകരിലും ജീവനക്കാരിലും രോഗങ്ങള്, അലര്ജി മുതലായ ശാരീരിക പ്രശ്നങ്ങള് ഉള്ളവര് സര്ക്കാര് ഡോക്ടറുടെ സര്ട്ടിഫിക്കറ്റ് ഹാജരാക്കണമെന്ന് മുഖ്യമന്ത്രി പിണറായി വിജയന് (Chief Minister Pinarayi Vijayan).
അല്ലാത്തവര് വാക്സിന് സ്വീകരിച്ച് ഹാജരാവുകയോ ആഴ്ച തോറും സ്വന്തം ചിലവില് ആര്ടിപിസിആര് പരിശോധന നടത്തി ഫലം സമര്പ്പിക്കുകയോ ചെയ്യണമെന്നും അദ്ദേഹം പറഞ്ഞു.
advertisement
സ്കൂളുകളിലും കോളേജുകളിലും പോകുന്ന വിദ്യാര്ത്ഥികളുടെ സുരക്ഷിതത്വം കണക്കിലെടുത്താണ് ഈ തീരുമാനം. ഓഫീസുകളിലും പൊതു ജനസമ്പര്ക്കമുള്ള ഇടങ്ങളിലും ജോലി ചെയ്യുന്ന ജീവനക്കാര്ക്കും ഇത് ബാധകമാണ്.
കോവിഡ് പ്രതിരോധ നടപടികളുമായി സഹകരിക്കാത്തവര്ക്ക് ഇനി മുതല് സൗജന്യ ചികിത്സ നല്കേണ്ടതില്ലെന്ന് കോവിഡ് അവലോകന യോഗത്തില് തീരുമാനിച്ചു. വാക്സിന് സ്വീകരിക്കാതെ കോവിഡ് പോസിറ്റീവ് ആകുന്നവരുടെ ചികിത്സാചിലവ് സര്ക്കാര് വഹിക്കില്ല. രോഗങ്ങള്, അലര്ജി മുതലായവ കൊണ്ട് വാക്സിന് എടുക്കാന് സാധിക്കാത്തവര് സര്ക്കാര് ഡോക്ടറുടെ സര്ട്ടിഫിക്കറ്റ് ഹാജാരാക്കണമെന്നും അദ്ദേഹം പറഞ്ഞു.
advertisement
ഒമിക്രോണ് കോവിഡ് വകഭേദത്തിന്റെ പശ്ചാത്തലത്തില് ജാഗ്രത ശക്തിപ്പെടുത്താന് നിര്ദ്ദേശിച്ചു. വിദേശത്ത് നിന്ന് വിമാനത്താവളങ്ങളില് എത്തുന്നവരുടെ യാത്രാചരിത്രം കര്ശനമായി പരിശോധിക്കണം. പ്രഖ്യാപിച്ച പ്രോട്ടോക്കോള് കൃത്യമായി പാലിക്കാന് നടപടിയെടുക്കണം. അതില് വിട്ട് വീഴ്ചയുണ്ടാകരുതെന്ന് മുഖ്യമന്ത്രി വ്യക്തമാക്കി.
രണ്ടാം ഡോസ് വാക്സിനേഷന് പൂര്ത്തീകരിക്കാന് ബാക്കിയുള്ളവരെ കണ്ടെത്തി തദ്ദേശ സ്വയംഭരണ സ്ഥാപന പ്രതിനിധികള് ഗൗരവമായി ഇടപെടണം. ഡിസംബര് ഒന്ന് മുതല് പതിനഞ്ച് വരെ പ്രത്യേക വാക്സിനേഷന് യജ്ഞം സംഘടിപ്പിക്കാന് ആരോഗ്യവകുപ്പിന് നിര്ദ്ദേശംനല്കി. ഇതിന് അനുസൃതമായി ഒരുക്കങ്ങള് പൂര്ത്തിയാക്കാന് ജില്ലാ കലക്ടര്മാര്ക്ക് നിര്ദേശം നല്കിയതായി മുഖ്യമന്ത്രി അറിയിച്ചു.
advertisement
ഭിന്ന ശേഷിക്കാരായ കുട്ടികള്ക്ക് സ്കൂളുകളിലെത്തി പഠിക്കാന് അനുമതി നല്കും. സ്കൂള് പ്രവര്ത്തി സമയത്തില് തല്ക്കാലം മാറ്റമില്ല. പുതിയ സാഹചര്യത്തില് കൂടുതല് ഇളവുകള് നല്കേണ്ടതില്ലെന്നും തീരുമാനിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 01, 2021 4:35 PM IST
മലയാളം വാർത്തകൾ/ വാർത്ത/Kerala/
കുട്ടികളുടെ സുരക്ഷിതത്വമാണ് പ്രധാനം; അധ്യാപകരെല്ലാം വാക്സിനെടുക്കണം; പ്രതിപക്ഷ നേതാവ് വി.ഡി.സതീശന്
