അഭിഭാഷകൻ പി.ജി. മനു ജീവനൊടുക്കിയതിന് പിന്നിൽ മാപ്പപേക്ഷിക്കുന്ന വീഡിയോ പുറത്തായതിന്റെ മാനസിക സംഘർഷമെന്ന് സൂചന
- Published by:Nandu Krishnan
- news18-malayalam
Last Updated:
അതിജീവിതയുടെ വീട്ടിൽ കുടുംബസമേതമെത്തി തലതാഴ്ത്തി, തൊഴുകൈയ്യോടെ മാപ്പ് പറയുന്ന വീഡിയോ കഴിഞ്ഞ ദിവസങ്ങളിൽ സമൂഹ മാധ്യമങ്ങളിലടക്കം പ്രചരിച്ചിരുന്നു
അഭിഭാഷകൻ പി.ജി. മനു ജീവനൊടുക്കിയതിന് പിന്നിൽ മാപ്പപേക്ഷിക്കുന്ന വീഡിയോ പുറത്തായതിന്റെ മാനസിക സംഘർഷമെന്ന് സൂചന. നിയമസഹായം തേടിയെത്തിയ യുവതിയെ പീഡിപ്പിച്ചെന്ന കേസിൽ ജാമ്യത്തിൽ കഴിയുകയായിരുന്ന മനു മറ്റൊരു യുവതിയെ പീഡിപ്പിച്ചതായും പരാതി ഉയർന്നിരുന്നു. അതിജീവിതയുടെ വീട്ടിൽ കുടുംബസമേതമെത്തി തലതാഴ്ത്തി, തൊഴുകൈയ്യോടെ മാപ്പ് പറയുന്ന മനുവിന്റ വീഡിയോ കഴിഞ്ഞ ദിവസങ്ങളിൽ സമൂഹ മാധ്യമങ്ങളിലടക്കം പ്രചരിച്ചിരുന്നു. വീഡിയോ പുറത്തായതിന്റെ മാനസിക സംഘർഷമാകാം ജീവനൊടുക്കിയതിന് പിന്നിലെന്നാണ് പൊലീസ് സംശയിക്കുന്നത്. വീഡിയോ പുറത്തുവന്നതിനു ശേഷം മനു മാനസിക വിഷമത്തിലായിരുന്നു എന്ന് അടുപ്പമുള്ളവരും പറയുന്നു
ഞായറാഴ്ച രാവിലെ മനുവിനെ ഫോണിൽ ബന്ധപ്പെടാൻ ശ്രമിച്ചെങ്കിലും ലഭിക്കാഞ്ഞതിനെത്തുടർന്ന് ജൂനിയർ അഭിഭാഷകൻ വീട്ടിലെത്തി നോക്കിയപ്പോഴാണ് മൃതദേഹം കണ്ടെത്തിയത്. കേസിന്റെ ആവശ്യങ്ങൾക്കായി താമസിച്ചിരുന്ന കൊല്ലത്തെ വാടകവീട്ടിൽ തൂങ്ങിമരിച്ച നിലയിൽ കണ്ടെത്തുകയായിരുന്നു
പീഡനക്കേസിലെ അതിജീവിതയാണ് മനുവിനെതിരെ പരാതി നൽകിയത്. കേസിൽ അന്വേഷണം പൂർത്തിയായി കുറ്റപത്രം സമർപ്പിച്ച സാഹചര്യത്തിൽ കഴിഞ്ഞ ജൂലൈയിലാണ് ജാമ്യത്തിലിറങ്ങിയത്. നിയമോപദേശത്തിനായി മാതാപിതാക്കൾക്ക് ഒപ്പമെത്തിയ പെൺകുട്ടിയെ ഭീഷണിപ്പെടുത്തി കടവന്ത്രയിലെ ഓഫീസിലും പെൺകുട്ടിയുടെ വീട്ടിലും വച്ചു പീഡിപ്പിച്ചെന്നാണു പരാതി.
2018ൽ നടന്ന കേസുമായി ബന്ധപ്പെട്ടാണു കഴിഞ്ഞ ഒക്ടോബറിൽ പരാതിക്കാരിയും മാതാപിതാക്കളും അഭിഭാഷകനെ കാണാൻ എത്തിയത്. 2023 നവംബർ 29നു ചോറ്റാനിക്കര പൊലീസാണ് കേസ് രജിസ്റ്റർ ചെയ്തത്.
advertisement
അനുവാദമില്ലാതെ പെൺകുട്ടിയുടെ സ്വകാര്യ ചിത്രമെടുത്തതിനും ഫോണിലേക്ക് അശ്ലീല സന്ദേശം അയച്ചതിനും ഐടി ആക്ട് അടക്കം ചുമത്തിയാണു കേസ് രജിസ്റ്റർ ചെയ്തത്. ഗവ.പ്ലീഡർ പെൺകുട്ടിക്ക് അയച്ച വിഡിയോകളും സ്വകാര്യ സന്ദേശങ്ങളും പൊലീസ് തെളിവായി രേഖപ്പെടുത്തിയിട്ടുണ്ട്. കേസ് രജിസ്റ്റർ ചെയ്തതിനെ തുടർന്നു മനു ഹൈക്കോടതി സീനിയർ ഗവൺമെന്റ് പ്ലീഡർ സ്ഥാനം രാജിവച്ചിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kollam,Kollam,Kerala
First Published :
Apr 13, 2025 5:10 PM IST
മലയാളം വാർത്തകൾ/ വാർത്ത/Kerala/
അഭിഭാഷകൻ പി.ജി. മനു ജീവനൊടുക്കിയതിന് പിന്നിൽ മാപ്പപേക്ഷിക്കുന്ന വീഡിയോ പുറത്തായതിന്റെ മാനസിക സംഘർഷമെന്ന് സൂചന
