സർക്കാരിനെതിരെ തൃശൂർ അതിരൂപത; കക്കുകളി നാടക വിവാദത്തിൽ ഞായറാഴ്ച ഇടവകകളിൽ പ്രതിഷേധം; തിങ്കളാഴ്ച കളക്ട്രേറ്റ് മാർച്ച്

തൃശൂർ: കക്കുകളി നാടകാവതരണത്തിനെതിരെ പ്രതിഷേധവുമായി തൃശൂർ അതിരൂപത. സർക്കാരിനെതിരെ പ്രതിഷേധിക്കാനാണ് അതിരൂപതുടെ ആഹ്വാനം. ഇടവകകളിൽ പ്രതിഷേധം സംഘടിപ്പിക്കാനും കളക്ട്രേറ്റ് മാർച്ചിൽ ആളെ പങ്കെടുപ്പിക്കാനും നിർദേശിച്ച് അതിരൂപത സർക്കുലർ അയച്ചു. ക്രൈസ്തവവിശ്വാസത്തേയും സ്ഥാപനങ്ങളെയും പൊതുസമൂഹത്തിന് മുമ്പിൽ അപഹാസ്യമായി ചിത്രീകരിക്കുന്നത് പതിവാക്കിയിരിക്കുകയാണെന്നും ഇതിന്റെ പ്രത്യക്ഷമായ ഉദാഹരണമാണ്, കന്യാസ്ത്രീ മഠങ്ങളെ ചൂഷണ പീഡന കേന്ദ്രങ്ങളാക്കി ചിത്രീകരിച്ചുകൊണ്ട് ഇപ്പോൾ അവതരിപ്പിച്ചുകൊണ്ടിരിക്കുന്ന കക്കുകളി എന്ന വിവാദ നാടകമെന്നും സർക്കുലറിൽ പറയുന്നു.