വട്ടിയൂർക്കാവ്: അട്ടിമറിച്ച് 'മേയർ ബ്രോ'
Last Updated:
കഴിഞ്ഞ രണ്ടു തെരഞ്ഞെടുപ്പുകളിലെ മൂന്നാം സ്ഥാനത്തു നിന്നാണ് ഇടതുമുന്നണിയുടെ വിജയക്കുതിപ്പ്
തിരുവനന്തപുരം: സിപിഎം സ്ഥാനാർഥി വി കെ പ്രശാന്ത് വട്ടിയൂർക്കാവ് മണ്ഡലത്തിൽ വിജയിച്ചു. കോൺഗ്രസ് സ്ഥാനാർഥി കെ മോഹൻ കുമാറിനെയാണ് നിലവിൽ തിരുവനന്തപുരം മേയറായ പ്രശാന്ത് തന്റെ കന്നിയങ്കത്തിൽ പരാജയപ്പെടുത്തിയത്. 14,251 വോട്ടിനാണ് പ്രശാന്ത് ജയിച്ചത്. വിവിപാറ്റ് സ്ലിപ്പുകൾ കൂടി എണ്ണിക്കഴിഞ്ഞ ശേഷമായിരിക്കും അന്തിമഫലപ്രഖ്യാപനം
കഴിഞ്ഞ രണ്ടു തെരഞ്ഞെടുപ്പുകളിലെ മൂന്നാം സ്ഥാനത്തു നിന്നാണ് ഇടതുമുന്നണിയുടെ വിജയക്കുതിപ്പ്. രണ്ടു തവണയും രണ്ടാമത് എത്തിയ ബിജെപി ബഹുദൂരം പിന്നിലായി. തിരുവനന്തപുരത്തിന്റെ ഏറ്റവും പ്രായം കുറഞ്ഞ മേയറാണ് 34 കാരനായ പ്രശാന്ത്.
2011 ൽ മണ്ഡലം രൂപീകൃതമായ ശേഷം പ്രതിനിധീകരിച്ചു വന്ന കോൺഗ്രസ് നേതാവ് കെ. മുരളീധരൻ ലോക് സഭാംഗമായതിനെ തുടർന്നാണ് ഉപ തെരഞ്ഞെടുപ്പ്.
advertisement
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
October 24, 2019 11:46 AM IST
