നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • Campus Murder| ധീരജിന്റെ കൊലപാതകം: കലാലയങ്ങളിൽ സംഘർഷം തുടരുന്നു; മഹാരാജാസ് കോളജ് രണ്ടാഴ്ചത്തേക്ക് അടച്ചു

    Campus Murder| ധീരജിന്റെ കൊലപാതകം: കലാലയങ്ങളിൽ സംഘർഷം തുടരുന്നു; മഹാരാജാസ് കോളജ് രണ്ടാഴ്ചത്തേക്ക് അടച്ചു

    തിരുവല്ലയിലും മലപ്പുറത്തും വടകരയിലും സംഘർഷം

    ധീരജ്

    ധീരജ്

    • Share this:
      തിരുവനന്തപുരം: ഇ​ടു​ക്കി പൈ​നാ​വ് എഞ്ചിനീയറിംഗ് കോ​ള​ജ് വി​ദ്യാ​ർ​ഥിയും (Engineering Student) എസ്എഫ്ഐ (SFI) പ്രവർത്തകനുമായ ധീ​ര​ജ് (Dheeraj) കൊ​ല്ല​പ്പെ​ട്ട​തി​ന് ​പി​ന്നാ​ലെ സംസ്ഥാനത്ത് കലാലയങ്ങളില്‍ സംഘർഷം തുടരുന്നു.

      മഹാരാജാസ് കോളജ് രണ്ടാഴ്ചത്തേക്ക് അടച്ചു

      തിങ്കളാഴ്ച സംഘർഷമുണ്ടായ എറണാംകുളം മഹാരാജാസ് കോളജും ഹോസ്റ്റലും അടച്ചു. രണ്ടാഴ്ചത്തേക്കാണ് ​അടച്ചത്. ധീരജ് കൊലപാതകത്തിൽ പ്രതിഷേധിച്ച് സംസ്ഥാനത്ത് ഇന്ന് എസ് എഫ് ഐ പഠിപ്പുമുടക്കിന് ആഹ്വാനം ചെയ്തിരുന്നു.

      എ​റ​ണാ​കു​ളം മ​ഹാ​രാ​ജാ​സ് കോ​ള​ജി​​ൽ ഇന്നെലെയുണ്ടായ സംഘർഷത്തിൽ പെ​ൺ​കു​ട്ടി​യു​ൾ​പ്പെ​ടെ 10 കെ.​എ​സ്.​യു പ്ര​വ​ർ​ത്ത​ക​ർ​ക്കാണ് പ​രി​ക്കേ​റ്റത്. എ​സ്എ​ഫ്​ഐ പ്ര​വ​ർ​ത്ത​ക​ർ കൂ​ട്ട​മാ​യെ​ത്തി നേ​താ​ക്ക​ളെ​യും പ്ര​വ​ർ​ത്ത​ക​രെ​യും ആ​ക്ര​മി​ക്കു​ക​യാ​യി​രു​ന്നെ​ന്നാ​ണ് കെ.എസ്.യുവിന്റെ പ​രാ​തി. പ​രി​ക്കേ​റ്റ​വ​ർ എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലും ക​ട​വ​ന്ത്ര ഇ​ന്ദി​രാ​ഗാ​ന്ധി സ​ഹ​ക​ര​ണ ആ​ശു​പ​ത്രി​യി​ലും ചി​കി​ത്സ തേ​ടിയിരുന്നു. ചൊവ്വാഴ്ച എറണാംകുളം മഹാരാജാസ് കോളജിലേക്ക് കെ.എസ്.യു പ്രവർത്തകർ നടത്തിയ മാർച്ചിൽ സംഘർഷമുണ്ടായി. പ്രവർത്തകർക്കുനേരെ പൊലീസ് ലാത്തിവീശി.

      തിരുവല്ലയിൽ കോൺഗ്രസ് ഓഫീസ് തകർത്തു

      എസ് എഫ് ഐ തിരുവല്ലയിൽ നടത്തിയ പ്രതിഷേധ പ്രകടനം അക്രമാസക്തമായി. പ്രകടനമായി എത്തിയ പ്രവർത്തകർ സ്വകാര്യ ബസ് സ്റ്റാൻഡിന് സമീപത്തെ കോൺഗ്രസ് ബ്ലോക്ക് കമ്മിറ്റി ഓഫീസ് അടിച്ചു തകർത്തു. ചൊവ്വാഴ്ച രാവിലെ 11 മണിയോടെ കുറ്റപ്പുഴ മാർത്തോമ്മ കോളജിൽനിന്നും ആരംഭിച്ച പ്രകടനമാണ് അക്രമാസക്തമായത്. പ്രകടനത്തി​ന്‍റെ പിൻനിരയിലുണ്ടായിരുന്ന 50ഓളം പ്രവർത്തകർ ബ്ലോക്ക് കമ്മിറ്റി ഓഫീസിലേക്ക് ഇരച്ചു കയറുകയായിരുന്നു.

      ഓഫ‌ീസി​ന്‍റെ പൂട്ട് തകർത്ത് അകത്തുകടന്ന പ്രവർത്തകർ ഓഫീസിനുള്ളിലെ മേശയും കസേരകളും കൊടി തോരണങ്ങളും നശിപ്പിച്ചു. പൊലീസെത്തിയാണ് പ്രവർത്തകരെ പിന്തിരിപ്പിച്ചത്. നഗരത്തി​ന്‍റെ വിവിധ ഭാഗങ്ങളില്‍ സ്ഥാപിച്ചിരുന്ന കോൺഗ്രസി​ന്‍റെയും യൂത്ത് കോൺഗ്രസി​ന്‍റെയും നിരവധി കൊടിമരങ്ങളും നശിപ്പിക്കപ്പെട്ടു.

      വടകരയിൽ സംഘർഷം

      വടകരയിൽ പഠിപ്പുമുടക്ക് ആഹ്വാനം ചെയ്തെത്തിയ എസ്എഫ്‌ഐ പ്രവർത്തകരും നാട്ടുകാരിൽ ചിലരുമായി തമ്മിൽ സംഘർഷമുണ്ടായി. പ്രതിഷേധക്കാരെ പിരിച്ചുവിടാൻ പൊലീസ് ലാത്തിവീശി. 15 എസ്എഫ്ഐ പ്രവർത്തകരെ പൊലീസ് കസ്റ്റഡിയിലെടുത്തു.

      സ്കൂളിൽ ക്ലാസ് നടക്കുന്നതറിഞ്ഞാണ് എസ്എഫ്ഐക്കാർ എത്തിയത്. സമരം നടക്കാത്ത സ്കൂൾ ആയതിനാൽ ക്ലാസ് വിടാൻ പറ്റില്ലെന്ന് സ്കൂൾ അധികൃതർ പറഞ്ഞെങ്കിലും ക്ലാസ് വിടണമെന്ന നിലപാടിൽ സമരക്കാർ ഉറച്ചുനിന്നു. ഇതിനെത്തുടർന്നു രക്ഷിതാക്കളും പരിസരവാസികളും സമരക്കാരുമായി തർക്കമായി.

      തുടർന്നാണ് സംഘർഷമുണ്ടായത്. ചിലർക്ക് നിസാര പരിക്കേറ്റു. ഉച്ചഭക്ഷണം കൊടുത്ത ശേഷം ക്ലാസ് വിടാമെന്ന് അറിയിച്ചെങ്കിലും സമരക്കാർ സമ്മതിച്ചില്ലെന്ന് അധ്യാപകർ പറഞ്ഞു. സ്ഥലത്ത് പൊലീസ് കാവൽ ഏർപ്പെടുത്തി.

      മലപ്പുറത്ത് കോൺഗ്രസ്-ഡിവൈഎഫ്ഐ സംഘർഷം

      മലപ്പുറത്ത് കെ പി സി ​സി അധ്യക്ഷൻ കെ ​സു​ധാ​ക​ര​ൻ പ്ര​സം​ഗി​ച്ചു​കൊ​ണ്ടി​രി​ക്കെ വേ​ദി​ക്ക്​ സ​മീ​പം കോ​ൺ​ഗ്ര​സ്​- ഡി വൈ ​എ​ഫ് ഐ പ്ര​വ​ർ​ത്ത​ക​ർ ത​മ്മി​ൽ സം​ഘ​ർ​ഷമുണ്ടായി. മ​ല​പ്പു​റം ടൗ​ൺ ഹാ​ളി​ൽ കെപി​സി​സി സം​ഘ​ടി​പ്പി​ച്ച മേ​ഖ​ല ക​ൺ​വെ​ൻ​ഷ​നി​ലേ​ക്ക്​ ഡി​വൈഎ​ഫ്ഐ പ്ര​വ​ർ​ത്ത​ക​ർ പ്ര​ക​ട​ന​വു​മാ​യെ​ത്തി​യ​തോ​ടെ​യാ​ണ്​ സം​ഭ​വ​വി​കാ​സ​ങ്ങ​ൾ​ക്ക്​ തു​ട​ക്കം. ന​ഗ​ര​ത്തി​ൽ ഒ​രു മ​ണി​ക്കൂ​റോ​ളം സം​ഘ​ർ​ഷാ​വ​സ്ഥ നിലനിന്നു. പൊ​ലീ​സി​ന്‍റെ​യും മു​തി​ർ​ന്ന നേ​താ​ക്ക​ളു​ടെ​യും ഇ​ട​പെ​ട​ലി​നെ തുടർന്നാണ് സംഘർഷം​ അ​വ​സാ​നി​ച്ച​ത്.

      കോൺഗ്രസ് ഓഫീസുകൾക്ക് നേരെ ആക്രമണം

      കോഴിക്കോട് ജില്ലയിലെ പേരാമ്പ്രയിലും നൊച്ചാടും കോൺഗ്രസ് ഓഫിസുകൾക്ക് നേരെ ആക്രമണമുണ്ടായി. പേരാമ്പ്ര പ്രസിഡൻസി കോളജ് റോഡിൽ പ്രവർത്തിക്കുന്ന മണ്ഡലം കമ്മിറ്റി ഓഫീസിന് നേരെയാണ് കല്ലേറ് ഉണ്ടായത്. ജനൽ ചില്ലുകളും ഡോറി​ന്‍റെ ചില്ലും തകർന്നു. പേരാമ്പ്ര പൊലീസ് സബ്ബ് ഇൻസ്പക്ടർ എ. ഹബീബുള്ളയുടെ നേതൃത്വത്തിൽ പൊലീസ് സ്ഥലത്തെത്തി.

      ജനുവരി 22ന് ഉദ്ഘാടനം ചെയ്യാനുള്ള നൊച്ചാട് മേഖല കോൺഗ്രസ് കമ്മിറ്റി ഓഫിസിനു നേരേയും കല്ലേറുണ്ടായി. ഇവിടെ വ്യാപകമായി കോൺഗ്രസ് പ്രചരണ ബോർഡുകൾ നശിപ്പിച്ചു. പേരാമ്പ്രയിലും നൊച്ചാടും ശക്തമായ പൊലീസ് കാവലുണ്ട്.

      പാലക്കാട് ഡിസിസി ഓഫീസിന് നേരെയുണ്ടായ കല്ലേറിൽ ജനൽ ചില്ലുകൾ തകർന്നു.
      Published by:Rajesh V
      First published: