വീണ്ടും 100 ദി​ന കര്‍മ്മ പ​രി​പാ​ടി​കളുമായി LDF സർക്കാർ; സൂചന നൽകി മുഖ്യമന്ത്രി

നേരത്തെ പ്രഖ്യാപിച്ച 100 ദിന ​പരി​പാ​ടി​ക​ള്‍ പൂ​ര്‍​ത്തി​യാ​യി. തെരഞ്ഞെടുപ്പ് പെ​രു​മാ​റ്റ​ച്ച​ട്ടം കഴിയുമ്പോള്‍ തന്നെ പുതിയ 100 ദിന ​പരി​പാ​ടി​ക​ള്‍ പ്രഖ്യാപിക്കുമെന്നും മുഖ്യമന്ത്രി ഇന്ന് നടന്ന വാര്‍ത്താ സമ്മേളനത്തില്‍ പറഞ്ഞു. സംസ്ഥാനത്തുടനീളം ജനങ്ങൾ കലവറയില്ലാതെ പിന്തുണ നൽകുകയാണ് ചെയ്തത്. എൽഡിഎഫിനെ വലിയ സ്വീകാര്യതയോടെയാണ് ജനങ്ങൾ സമീപിച്ചത്. അതുകൊണ്ടാണ് അത് കേരളജനതയുടെ വിജയമാണെന്നും മുഖ്യമന്ത്രി പറഞ്ഞു.

Also Read  'തോ​റ്റാ​ല്‍ തോ​റ്റെ​ന്നു പ​റ​യ​ണം, അ​താ​ണ് അ​ന്ത​സ്'; കോൺഗ്രസ് നേ​തൃ​ത്വ​ത്തി​നെ​തി​രെ ആഞ്ഞടിച്ച് കെ.​മു​ര​ളീ​ധ​ര​ന്‍

എൽഡിഎഫിനോടൊപ്പം കൂടുതൽ പേർ അണി ചേർന്നിരിക്കുന്നു. കേരളത്തിന്റെ മനസ് മതനിരപേക്ഷതയോട് ഒപ്പമാണ്. വർഗീയതയ്ക്ക് എതിരെ സന്ധിയില്ലാതെ പോരാടാനും എൽഡിഎഫ് ആണ് ഇവിടെയുള്ളതെന്ന് കേരള ജനത തിരിച്ചറിഞ്ഞിരിക്കുന്നു. കഴിഞ്ഞ നാലര വർഷക്കാലം എൽ ഡി എഫ് സർക്കാർ നടത്തിയ ജനക്ഷേമപ്രവർത്തനങ്ങൾക്കുള്ള അംഗീകാരമാണ് വിജയം.

എ​ല്‍​ഡി​എ​ഫ് സ​ര്‍​ക്കാ​ര്‍ എന്നും ജ​ന​ങ്ങ​ള്‍​ക്ക് ക​ഴി​യാ​വു​ന്ന​ത്ര ആ​ശ്വാ​സം നല്‍കാനാണ് ശ്രമിച്ചിട്ടുള്ളതെന്നും ഇനിയും അത് തുടരും. തെരഞ്ഞെടുപ്പിലെ വിജയം കേരളത്തെയും നേട്ടങ്ങളെയും ഇല്ലാതാക്കാന്‍ ശ്രമിക്കുന്നവര്‍ക്ക് നാടിനെ സ്നേഹിക്കുന്നവര്‍ നല്‍കിയ മറുപടിയാണിതെന്നും മുഖ്യമന്ത്രി പറഞ്ഞു.