'സഹിഷ്ണുതയും സാഹോദര്യവും ശക്തിപ്പെടുത്തി പരസ്പരം സ്നേഹം പങ്കുവച്ച് ക്രിസ്മസ് ആഘോഷിക്കാം'; ക്രിസ്മസ് ആശംസ നേർന്ന് മുഖ്യമന്ത്രി

സഹിഷ്ണുതയും സാഹോദര്യവും ശക്തിപ്പെടുത്തി പരസ്പരം സ്നേഹം പങ്കുവച്ച് ക്രിസ്മസ് ആഘോഷിക്കാമെന്ന് ആശംസാ സന്ദേശത്തിൽ മുഖ്യമന്ത്രി പിണറായി വിജയൻ. സാഹോദര്യത്തിൻ്റേയും സ്നേഹത്തിൻ്റേയും സമത്വത്തിൻ്റേയും സന്ദേശങ്ങളുമായി ഒരു ക്രിസ്മസ് കൂടി ആഗതമായിരിക്കുന്നു. വർഗീയശക്തികൾ നാടിൻ്റെ ഐക്യത്തിനു വിള്ളൽ വീഴ്ത്താൻ ശ്രമിക്കുന്ന ഈ കാലത്ത് യേശു ക്രിസ്തുവിൻ്റെ മനുഷ്യസ്നേഹം പ്രചോദനമാകട്ടെയെന്ന് മുഖ്യമന്ത്രി പറഞ്ഞു.